Foto: Depositphotos.com
Jańa júıeniń basty maqsaty – muǵalimderge túsetin artyq júktemeni azaıtyp, olardyń negizgi pedagogıkalyq qyzmetine basymdyq berý. Soǵan sáıkes biliktilik sanattaryna qoıylatyn talaptar da aıtarlyqtaı ońtaılandyrylǵan.
Atap aıtqanda, «pedagog-moderator» sanaty boıynsha ashyq sabaqtar sany 25-ten 4-ke deıin qysqartylady, al biliktilikti arttyrý kólemi 72 saǵattan 36 saǵatqa deıin azaıady. Sonymen birge jobalyq jumysqa jáne tárbıe qyzmetine qatysý mindeti engiziledi.
Attestasııa júıesindegi ózgerister: Test tapsyryp úlgermegenderdiń sanaty saqtala ma?
«Pedagog-ekspert» sanatynda ashyq sabaqtar sany qysqartylyp, tájirıbeni aýdandyq nemese qalalyq deńgeıde taratý tetigi qarastyrylǵan.
Al «pedagog-zertteýshi» úshin jańa talaptar belgilendi: 6 ashyq sabaq (3 – oflaın, 3 – onlaın formatta) ótkizý, oblystyq deńgeıde tájirıbe taratý, 2 muǵalimge ádistemelik qoldaý kórsetý jáne táýekel tobyndaǵy oqýshylarmen jumys júrgizý mindetteledi.
«Pedagog-sheber» sanaty boıynsha talaptar odan da keńeıtilgen: 8 ashyq sabaq (4 – oflaın, 4 – onlaın) ótkizý, respýblıkalyq deńgeıde tájirıbe taratý, 3 muǵalimge mentorlyq qoldaý kórsetý, sondaı-aq volonterlik jáne tálimgerlik qyzmet eskeriledi.
Buǵan deıin Oqý-aǵartý mınıstrligi pedagogterdiń bilimin baǵalaý testin, avtorlyq baǵdarlamalardy ázirleý men tapsyrý mindetin jáne qaǵaz portfolıo jınaýdy alyp tastaıtynyn habarlaǵan bolatyn.
Bilim salasyndaǵy ózgeris: Muǵalimder úshin avtorlyq baǵdarlama jazý talaby joıylady
Jańa tásil muǵalimderdiń kásibı damýyn jeńildetip, júıeni bıýrokratııalyq júktemeden aryltýǵa baǵyttalǵan.
