Málimetke sáıkes, kene bozbalany 16 mamyr kúni shaqqan. Alaıda onyń otbasy birden dáriger kómegine júginbeı, bolǵan jaǵdaı týraly medısınalyq mekemelerge habarlamaǵan. Biraz ýaqyttan keıin jasóspirimniń jaǵdaıy kúrt nasharlaǵan.
Aqmola oblystyq densaýlyq saqtaý basqarmasynyń habarlaýynsha, naýqasta sana deńgeıiniń buzylýy baıqalady. Qazir oǵan barlyq qajetti tekserýler júrgizilip, tıisti em taǵaıyndalǵan.
Bıylǵy maýsym bastalǵaly Aqmola oblysynda kene shaqqannan keıin medısınalyq kómekke júgingenderdiń sany 500-ge jýyqtaǵan. Al Býrabaı jáne Sandyqtaý aýdandarynyń úsh turǵynynan kenelik ensefalıt dıagnozy rastalǵan.
Aıta keteıik, Qazaqstanda bıyl kún jylynǵaly 7 myńnan astam adamdy kene shaqqan.
