vıdeodan skrınshot
Oblystyq polısııa departamentiniń málimetinshe, jol-kólik oqıǵasy 29 mamyr kúni keshke Astana – Pavlodar tasjolynda bolǵan. Aldyn ala derek boıynsha, Hyundai Tucson kóliginiń júrgizýshisi jol boıyndaǵy qorǵanys qurylǵysyna soqtyǵysqan.
Apat saldarynan úsh adam túrli jaraqatpen aýrýhanaǵa jetkizilgen. Qazir oqıǵanyń mán-jaıyn anyqtaý úshin tergeý júrgizilip jatyr. Kólik arnaıy turaqqa qoıylǵan.
Atyraý oblysynda aýdan ákimniń orynbasary jol apatynan kóz jumdy
Kýágerler túsirgen beınejazbalardan jol qorshaýynyń temir bóligi kóliktiń salonyna deıin kirip ketkeni baıqalady. Sonyń saldarynan aldyńǵy oryndyqta otyrǵan jolaýshy asa aýyr jaraqat alǵan.
Jaraqattanǵan jigittiń dostarynyń aıtýynsha, ol Astanadan Pavlodarǵa ata-anasyna barý úshin jolǵa shyqqan. Apat bolǵan Tórtqudyq aýyly mańynda jol jóndeý jumystary júrgizilip jatqan.
Olardyń sózinshe, júrgizýshi joǵary jyldamdyqpen kele jatyp, jol qorshaýyna soǵylǵan. Saldarynan stýdent oqıǵa ornynda oń aıaǵynan aıyrylyp, kóp qan joǵaltqan. Jedel járdem kóliginde onyń júregi toqtap qalǵanymen, dárigerler qaıta tiriltip úlgergen. Keıin aýrýhanada ekinshi aıaǵyna da ampýtasııa jasaýǵa týra kelgen.
Jantúrshigerlik jol apatynan Shyǵys Qazaqstanda úsh jigit kóz jumdy
Qazirgi ýaqytta jas jigit koma jaǵdaıynda jansaqtaý bóliminde jatyr.
Aldyn ala málimet boıynsha, sapar «Iаndeks Taksı» qyzmeti arqyly rásimdelgen. Kólikti 22 jastaǵy júrgizýshi basqarǵan.
