Foto: astanatv.kz (arhıv)
FOX Business málimetinshe, atalǵan áýe kompanııasynyń habarlaǵanyndaı, shekteýler osy jazdan bastap engizilip, kem degende 5 aıǵa sozylady. О́zgerister Djon Kennedı atyndaǵy halyqaralyq áýejaı (JFK) jáne Solt-Leık-Sıtı halyqaralyq áýejaıy (SLC) baǵyttaryna qatysty.
Kompanııa ókilderiniń aıtýynsha, Irandaǵy qaqtyǵys bastalǵaly avıaotyn baǵasy 2 esege jýyq qymbattaǵan, bul ekonomıkalyq turǵydan tıimsiz baǵyttarǵa tikeleı áser etken. Soǵan baılanysty ushý kestesine ózgerister engizilip, keıbir reıster toqtatylǵan.
Degenmen, Air Canada bul sharalar 2026 jylǵy jalpy jyldyq tasymaldyń shamamen 1%-yna ǵana áser etetinin atap ótti.
Airlines for America dereginshe, avıaotyn baǵasy bir barrel úshin 3,79 dollarǵa deıin kóterilgen, bul Irandaǵy jaǵdaıǵa deıingi kórsetkishten 50%-dan astam joǵary.
Otyn qunynyń ósýi AQSh-taǵy ózge áýe tasymaldaýshylarǵa da áser etti. Atap aıtqanda, JetBlue, Southwest Airlines, American Airlines jáne United Airlines kompanııalary shyǵyndy azaıtý úshin tirkelgen júk tasymalynyń baǵasyn kóterýge májbúr boldy.
Sarapshylardyń pikirinshe, otyn baǵasynyń qymbattaýy áýe naryǵyndaǵy tarıfter men baǵyttar sanyna aldaǵy ýaqytta da áser etýi múmkin.
