Foto: Aýyl sharýashylyǵy mınıstrligi (arhıv)
Atyraý oblystyq aýyl sharýashylyǵy jáne jer qatynastary basqarmasynyń málimetinshe, qaıtarylǵan jerdiń 4,5 myń gektary jaıylymdyq alqap, al 0,6 myń gektary ózge maqsattaǵy ýchaskelerge tıesili. Qazir óńirde ıgerilmeı jatqan aýyl sharýashylyǵy jerlerin memleketke qaıtarý jumysy kezeń-kezeńimen júzege asyrylyp jatyr.
Josparǵa sáıkes, aldaǵy ýaqytta 40 myń gektar aýyl sharýashylyǵy jerin qaıtarý kózdelgen. Sonymen qatar jer resýrstaryn tıimdi paıdalaný úshin ýchaskelerdi qaıta bólý jumystary qatar júrgizilip jatyr.
Pavlodarda quny 100 mln teńge turatyn jer memleketke qaıtaryldy
Basqarmanyń bólim basshysy Nazken Ýteshovanyń aıtýynsha, konkýrs arqyly jalpy kólemi 11,9 myń gektar bolatyn 32 jer ýchaskesi, al aýksıon arqyly 9,1 gektardy quraıtyn 7 ýchaske berilgen.
Mamandar bul sharalar jerdi utymdy paıdalanýǵa jol ashyp, aýyl sharýashylyǵy salasynyń damýyna serpin beredi dep otyr.
