Rýhanııat • 12 Naýryz, 2020

Shyryn aqynnyń shyǵarmashylyq keshi ótti

534 ret

kórsetildi

1 mın

oqý úshin

Sh.Ýálıhanov atyndaǵy Jambyl oblystyq ámbebap ǵylymı kitaphanasy «Bolashaqqa baǵdar: Rýhanı jańǵyrý» jáne «Uly dalanyń jeti qyry» baǵdarlamalyq maqalalary aıasynda «О́lkelik týrızm kitaphana jumysynyń ınnovasııalyq túri retinde» jańa jobasyn bastady. Osy jobamen mereıli Merki aýdanynda Qazaqstan Jazýshylar odaǵynyń múshesi, «Qazaqstan Respýblıkasy halyq aǵartý isiniń úzdigi» belgisi men «Eren eńbegi úshin» medaliniń ıegeri, birneshe respýblıkalyq, oblystyq aqyndar aıtysynyń júldegeri, qalamy qýatty, óleńderi áli kúnge deıin jurttyń erekshe yqylasyna bólenip júrgen Shyryn Mamaserikovanyń «Júrek lúpilinen týǵan óleń» atty ádebı grotesk keshin ótkizdi.

Egemen Qazaqstan

Shyryn aqynnyń shyǵarmashylyq keshi ótti

Kesh Shyryn Mamaserikovanyń balalyq shaǵym somdaǵan qoıylymmen bastalyp, kitaphana qyzmetkerleriniń aqyn óleńderin oqyǵan ádebı kompozısııasymen jalǵasty.

Is-sharada aqyn, jýrnalıst, aýdarmashy Qazaqstan Respýblıkasynyń Memlekettik syılyǵynyń laýreaty, Jambyl oblysynyń qurmetti azamaty, Parasat jáne Qurmet ordenderiniń ıegeri Kúlásh Ahmetova men jazýshy, jýrnalıst, Qazaqstan Jazýshylar odaǵynyń jáne Qazaqstan Jýrnalıster odaǵynyń múshesi, Jýrnalıster odaǵynyń Baýbek Bulqyshev atyndaǵy syılyǵynyń laýreaty Kósemáli Sáttibaıulynyń Shyryn apamyzdyń 75 jas mereıtoıyna quttyqtaýy sahnadan vıdeomen berildi.

Aqynnyń úzeńgiles qurbylary, qazaqtyń aıaýly aqyn qyzdary Kúlásh Ahmetova men Aısha Kópjasarovanyń aqynǵa arnalǵan jyrlaryn kitaphanashylar oqydy.

Qazaqtyń poezııa padıshasy Farıza Ońǵarsynovanyń Shyryn aqynnyń ádebıettegi, poezııadaǵy oryny týraly ózekti oılary aıtylyp, Shyryn Mamaserikovanyń Farızaǵa arnalǵan óleńi oqyldy.

Keshti kitaphana dırektory E.Abdınova qorytyndylap, aqynǵa syı-qurmetin kórsetti. Sonymen birge, 10 aýdannyń kitaphana dırektorlary qatysyp, joba jumysynyń jetistikterine toqtaldy.