Otyrysty ashqan Ekonomıkalyq reforma jáne óńirlik damý komıtetiniń tóraǵasy Nurtaı Sabılıanov zań jobasy memlekettik satyp alýdy ortalyqtandyrýǵa jáne onyń jańa tásilderin engizip, tikeleı bir kózden shart jasasýǵa quqyly tapsyrys berýshiler men áleýetti ónim berýshilerdiń tizilimin qalyptastyrý jolymen tıimdilikti jáne ashyqtyqty arttyrýǵa baǵyttalǵanyn atap ótti.
Engiziletin túzetýler sybaılas jemqorlyq táýekelderin azaıtýǵa jáne memlekettik satyp alý týraly zańnamany jetildirýge arnalǵan. Bul týraly depýtattarǵa Qarjy vıse-mınıstri Rýslan Beketaev baıandama jasap: - 2020 jyldyń 24 qańtarynda Qazaqstan Respýblıkasy Úkimetiniń keńeıtilgen otyrysynda Memleket Basshysy «Satyp alý prosedýralarynyń ashyqtyǵyn qamtamasyz etý, adamı faktordy boldyrmaıtyn sandyq tehnologııalardy belsendi engizý qajet», - dep atap ótken bolatyn. Osyǵan baılanysty, veb-portaldy jetildirý elektrondyq qarjy Ortalyǵynyń basty mindetteriniń biri bolyp tabylady. Jyl saıyn Ortalyq veb-portaldyń fýnksıonaldyǵyn jaqsartý maqsatynda 100-ge jýyq jetildirý jumystaryn júrgizedi, - dedi.
Búgingi tańda 167 uıym veb-portal aqparatyn tıisti taldaý jasaý úshin nemese bar aqparatty naryqtyń basqa qatysýshylaryna usyný úshin paıdalanady. Osyǵan sáıkes, birinshiden, satyp alýdyń barlyq kezeńderiniń ashyqtyǵy. Munda veb-portal tolyǵymen ashyq jáne aıqyn. Barlyq operasııalar tapsyrys berýshi men ónim berýshi arasyndaǵy baılanyssyz elektrondyq formatta ótedi.
Memlekettik organ satyp alý portalynda habarlandyrý jarııalaıdy jáne ótinimderdi qabyldaýdyń eń az merzimin belgileıdi. Kásipker ótinim beredi jáne belgilengen merzimde baǵa usynystaryn avtomatty túrde ashylady. Eń tómen baǵa bergen qatysýshy jeńimpaz dep tanylady. Ekinshiden, formattyq-logıkalyq baqylaý (FLB). Iаǵnı, bir kózden ádisimen satyp alýdy ótkizý kezinde FLB.FLB-bul memlekettik satyp alý týraly zańnamanyń buzylýyna jol bermeý boıynsha aldyn alý sharalaryn qabyldaý.
Atap aıtqanda, tikeleı shart jasasý arqyly bir kózden alý tásilimen satyp alýdyń 19 negizdemesi boıynsha zańnamada kózdelmegen jaǵdaılarda tapsyrys berýshilerge shart jasasýǵa múmkindik bermeıtin FLB ornatylǵan. Bul rette, Qarjy Mınıstrligimen osyndaı sharttar jasasýǵa quqyly naqty tapsyrys berýshiler men ónim berýshilerdiń tizimi jasaqtalǵan. Osy sharalardy qabyldaý bir kózden alý tásilimen satyp alýlardyń qysqarýyna yqpal etken. Sonymen qatar,2019 jyldyń 1 tamyzynan bastap jıhaz jáne jeńil ónerkásipti satyp alýǵa ındýstrııalyq sertıfıkaty bar otandyq óndirýshiler ǵana qatysa alady.
Veb-portal basqa jetkizýshilerge ruqsat bermeıdi. Osylaısha, sheteldik óndirýshiler men ımporttyq taýarlardyń deldaldaryna jıhaz jáne jeńil ónerkásipti satyp alýǵa qol jetkizý shektelgen.Sondaı-aq, osyndaı baqylaý sharalary IT-qyzmetterdi, avtomobılderdi, transformatorlar men kábildik ónimderdi satyp alýǵa qatysty júzege asyrylǵan. Elektrondyq tizilimi-shaǵymdar boıynsha.2018 jyldyń 1 qańtarynan bastap memlekettik satyp alý veb-portalynda "elektrondyq shaǵymdaný"fýnksıonaly engizildi.
Endi shaǵymdar elektrondyq-sıfrlyq qoltańbany paıdalana otyryp, veb-portal arqyly berilmek. Otyrysqa Májilis depýtattary, mınıstrlikter men vedomstvo basshylary jáne parlamenttik emes saıası partııalar men qoǵamdyq uıymdardyń ókilderi qatysty.
Zań jobasy boıynsha jumys tobynyń jetekshisi bolyp Májilis depýtaty, Ekonomıkalyq reforma jáne óńirlik damý komıtetiniń múshesi Qaınazarov Ýálıhan Anarbaıuly belgilendi.
