11 naýryzda Dúnıejúzilik densaýlyq saqtaý uıymy COVID-19 jańa koronavırýstyq ınfeksııa pandemııasyn jarııalady. El Prezıdenti Qasym-Jomart Toqaev Qazaqstanda koronavırýstyq ınfeksııanyń taralýyna jol bermeý jóninde naqty mindetter qoıdy.
Premer-Mınıstrdiń orynbasary Eraly Toǵjanov BAQ ókilderin qabyldanǵan sharalar týraly habardar etti:
- 13 naýryzdan bastap merekelik, sporttyq, mádenı-buqaralyq is-sharalardy ótkizýge, konferensııalar, semınarlar, kórmeler ótkizýge jáne t.b. tyıym salynady;
- Densaýlyq saqtaý, bilim berý, kópshilik jınalǵan obektilerde: HQKO, kommýnaldyq sharýashylyqtar, bazarlar, qoǵamdyq tamaqtaný oryndary, vokzaldar, áýejaılar men qonaq úıler sanıtarııalyq-dezınfeksııalyq rejımdi kúsheıtý;
-
Qarttar men múmkindigi shekteýli adamdarǵa arnalǵan medısınalyq-áleýmettik obektilerde, áleýmettik ońaltý ortalyqtarynda, múgedek balalarǵa arnalǵan oqý oryndaryna barýǵa tyıym salý, kúsheıtilgen sanıtarııalyq-dezınfeksııalyq rejım;
-
Aımaqtan tys demalys kezinde oqýshylarǵa ekskýrsııaǵa tyıym salý;
-
Qoǵamdyq kólikte jýý dezınfeksııalaý quraldaryn óńdeý jáne qoldaný;
-
Orta bilim berý uıymdarynyń demalysqa erte shyǵýy – 2020 jylǵy 16 naýryzdan 5 sáýirge deıin;
-
16 naýryzdan bastap TjKB jáne JOO obektilerin Qashyqtyqtan oqytýǵa aýystyrý;
-
1A, 1B, 2 jáne 3 sanattardaǵy eldermen halyqaralyq jolaýshylar qatynastaryn shekteý;
-
Halyqaralyq, sporttyq, mádenı, týrıstik is-sharalarǵa 1A, 1B, 2 jáne 3 sanattardaǵy elderge shyǵýǵa tyıym salý
Sonymen qatar elimizde koronavırýstyq ınfeksııa anyqtalǵan kezde sanıtarlyq-profılaktıkalyq jáne sanıtarlyq-epıdemııaǵa qarsy is-sharalardy uıymdastyrý boıynsha barlyq qajetti algorıtmder bekitildi. Qazaqstanda koronavırýsty juqtyrý jaǵdaılary tirkelgen joq.
Premer-Mınıstrdiń orynbasary E. Toǵjanov halyqty tek resmı aqparat kózderine senýge, ajıotaj jasamaýǵa, aldyn alý sharalaryn ustanýǵa jáne saqtaýǵa shaqyrdy.
