Keshe Ortalyq saılaý komıssııasynyń tóraǵasy Qýandyq Turǵanqulov Slovakııa Respýblıkasynyń Qazaqstandaǵy Tótenshe jáne ókiletti elshisi Peter Iýzany óz ótinishi boıynsha qabyldady.
Keshe Ortalyq saılaý komıssııasynyń tóraǵasy Qýandyq Turǵanqulov Slovakııa Respýblıkasynyń Qazaqstandaǵy Tótenshe jáne ókiletti elshisi Peter Iýzany óz ótinishi boıynsha qabyldady.Kezdesý barysynda OSK tóraǵasy Iýza myrzany Qazaqstan Respýblıkasynyń aýdandyq mańyzy bar qalalary, aýyldyq okrýgteri, aýyldyq okrýgtiń quramyna kirmeıtin kentteri men aýyldary ákimderi saılaýynyń qorytyndylarymen tanystyryp, birqatar suraqtarǵa jaýap berdi.
Ortsaılaýkom basshysy atalǵan saılaý bizdiń elimizde alǵashqy jer-jerdegi ákimder saılaýy ekenin jáne qoldanystaǵy zańnama men demokratııalyq saılaý prosesi normalaryn saqtaı otyryp, uıymdasqan túrde ótkenin atap ótti.
Al elshi yntymaqtastyqtyń keleshektegi damýyna nıet bildirdi jáne Qazaqstan Respýblıkasynyń saılaý uıymdastyrýshylaryna sáttilik tiledi.
Q.Turǵanqulov Ortalyq saılaý komıssııasy qarym-qatynastyqtyń barlyq deńgeıinde tájirıbe men aqparat almasýǵa ashyq ekenin jáne syrtqy baılanystardy halyqaralyq uıymdar sheńberinde, sondaı-aq, ekijaqty kezdesýler aıasynda belsendi damytatynyn atap ótti.
Slovakııa Respýblıkasynyń memlekettik organdarymen saılaý salasyndaǵy qarym-qatynas birneshe jyldar boıy turaqty negizde júzege asyp keledi. Atap aıtqanda, Ortsaılaýkom ókilderi 2009 jyly Slovakııa Respýblıkasyndaǵy prezıdenttik saılaýdy baıqaýǵa, sondaı-aq, 2010 jyly parlamenttik saılaýdy baıqaýǵa qatysty. О́z kezeginde Slovakııa ókilderi 2007 jáne 2011 jyldary Qazaqstan Respýblıkasyndaǵy saılaý naýqandaryn baıqaýǵa qatysty.
«Bizdiń yntymaqtastyǵymyz keleshekte de jalǵasyp, burynǵysynsha jemisti jáne syndarly sıpatta bolatynyna senim bildiremin», – dedi Q. Turǵanqulov kezdesý sońynda.
«Egemen-aqparat».
