Kelisimge qala ákimi Ǵabıt Syzdyqbekov pen «Integra Construction KZ» JShS basshysy Shahmurat Mútálip qol qoıdy. Ákimdik málimetinshe, memorandým Memleket basshysy Qasym-Jomart Toqaevtyń kásibı fýtbol klýbtaryn jekeshelendirý jáne kommersııalandyrý jónindegi tapsyrmasy aıasynda júzege asyrylǵan.
Qujattyń negizgi baǵyttary retinde materıaldyq-tehnıkalyq bazany jańartý, jattyǵý ınfraqurylymyn damytý, basqarý úderisterin sıfrlandyrý jáne klýbtyń kommersııalyq tıimdiligin arttyrý máseleleri atalǵan.
Shymkent qalasynyń ákimi Ǵabıt Syzdyqbekov kásibı sportqa jeke ınvestısııa tartý fýtbol ınfraqurylymyn damytýǵa, jas oıynshylardy daıarlaýǵa jáne qalanyń eldegi fýtbol ortalyqtarynyń biri retindegi pozısııasyn nyǵaıtýǵa jańa múmkindikter ashatynyn atap ótti.
Fýtbol kommentatory «Ordabasy» klýby prezıdentiniń keńesshisi bolyp taǵaıyndaldy
«Bul mańyzdy qadam Shymkenttiń eldegi jetekshi fýtbol ortalyqtarynyń biri retindegi ornyn nyǵaıtady. Ol klýbty ulttyq jáne halyqaralyq deńgeıde básekege qabiletti etýge, múmkindikterin keńeıtýge jáne kásibı sporttyń turaqty damýyna qosymsha resýrstar jumyldyrýǵa múmkindik beredi», dedi Ǵ. Syzdyqbekov.
О́z kezeginde Shahmurat Mútálip kompanııa klýbty damytýdy uzaq merzimdi ári áleýmettik mańyzy bar joba retinde qarastyratynyn aıtty.
«Ordabasy» – tarıhy baı ári jankúıerleri myqty qoldaıtyn klýb. Bizdiń aldymyzda ınfraqurylymǵa, jas oıynshylardy daıarlaýǵa jáne básekege qabiletti komanda qalyptastyrýǵa basa mán bere otyryp, klýbtyń turaqty damýyn qamtamasyz etý mindeti tur», dedi ol.
Quny 120 mln teńge turady: «Ordabasynyń» shabýylshysy Eýropada oınaıdy
Aıta keteıik, qyzylordalyq «Qaısar» fýtbol klýby 2025 jyldyń 30 qazanynan bastap resmı túrde «TAU Group LTD» kompanııasynyń basshysy Islamǵalı Qozbaqovtyń jeke basqarýyna berilgen edi.
