Jeńil atletter qysqa, orta jáne uzaq qashyqtyqtarǵa júgirý, kedergiler arqyly júgirý, uzyndyqqa jáne bıiktikke sekirý sııaqty sporttyń birneshe túrinen saıysqa tústi. Kásibı sportshylarmen qatar zııatkerlik damý erekshelikteri bar qatysýshylar da jarys jolyna shyyǵyp, alǵash ret ınklıýzıvti formattaǵy saıystar uıymdastyryldy.
Dańqty jeńil atlet, Olımpıada chempıony Olga Rypakova bul jarysty jas talanttardyń jarqyrap shyǵýyna jol ashatyn múmkindik dep atady.
«О́skemende osyndaı dúbirli báseke ótip jatqanyna qýanyshtymyn. Barsha qatysýshylarǵa sáttilik tileımin. Jarysty ótkizýge demeýshilik etken «Kazsınk» kompanııasyna, oblys, qala ákimdikterine, dene shynyqtyrý jáne sport basqarmasyna jáne bapkerlerge alǵys aıtamyn», dedi Olga Rypakova.
Aıta keteıik, halyqaralyq týrnırde el quramasy sapynda Shyǵys Qazaqstan oblysynyń sańlaqtary da óner kórsetti.
Azııa chempıonaty: Qazaqstan jeńil atletıkadan ekinshi altyn júldeni jeńip aldy
Jeńis tuǵyrynan kóringen sportshylar qatarynda Qazaqstan, О́zbekstan, Túrkııa elderiniń, sondaı-aq Afrıka qurlyǵynyń sańlaqtary boldy. Olga Rypakovanyń dańqyn shyǵarǵan sport túri – uzyndyqqa úsh qarǵyp sekirýde ulttyq qurama ókili Marııa Efremova altyn medal ıelenip, bul básekede otandyq atletter eshkimge des bermeıtinin kezekti ret dáleldedi. Sol sııaqty syryqpen sekirýde Ivan Tovchenık top jarsa, erler arasyndaǵy 60 metrge júgirýde Almat Tólebaev úzdik nátıje kórsetti.
Alına Chıstıakova Qazaqstan quramasyna alǵashqy altyn medaldi syılady
Áıelder arasynda 400 metrge júgirýde Adelına Zems kúmis júldeger atandy. Al dál osy qashyqtyqta erler arasynda otandasymyz Elnor Mýhıtdınov chempıon boldy. Sol sııaqty Aleksandra Zalıýbovskaıa (800 m) men Igor Hrýnın (800 m) altyn medal ıelense, 3000 metrde Darıa Mıller men Beıbarys Izǵalı úzdik nátıje kórsetti. Kedergiler arqyly 60 metrge júgirýde Iýlııa Bashmanova men Davıd Efremov jeńimpaz atandy. Al 4×200 aralas estafetada Qazaqstannyń KAZ2 quramasy top jardy.
О́skemen
