Ǵalamdyq etıka Jer planetasyn qorǵaıdy

Astanada 23 tamyzda bastalatyn «Mádenıetter ja­qyn­dasýynyń halyqaralyq onjyldyǵynyń» resmı tusaýkeseri aıasynda IýNESKO-nyń «Ǵalamdyq etıka: Jer planetasyn saqtaımyz» atty halyqaralyq konferensııasy bolyp ótti. Onda jerdegi áleýmettik jáne mádenı júıelerdiń turaq­ty­lyǵyn saqtaýdy kózdeıtin «Jahandyq etıkanyń» ózekti má­se­lelerin qoldaý jáne damytý jolynda halyqaralyq qoǵam­dastyqtyń kúsh-jigerin úılestirý jaıy talqylandy.

Astanada 23 tamyzda bastalatyn «Mádenıetter ja­qyn­dasýynyń halyqaralyq onjyldyǵynyń» resmı tusaýkeseri aıasynda IýNESKO-nyń «Ǵalamdyq etıka: Jer planetasyn saqtaımyz» atty halyqaralyq konferensııasy bolyp ótti. Onda jerdegi áleýmettik jáne mádenı júıelerdiń turaq­ty­lyǵyn saqtaýdy kózdeıtin «Jahandyq etıkanyń» ózekti má­se­lelerin qoldaý jáne damytý jolynda halyqaralyq qoǵam­dastyqtyń kúsh-jigerin úılestirý jaıy talqylandy.

Konferensııanyńbas­tymaq­satyadamnyńámbebapqu­qyq­tarynanegizdelgenǵalamdyqetıkanyyntalandyrý, máde­nıet­aralyqdıalogpenbarshaúshináleýmettikteńdiktiornatýar­qy­lyturaqtydamýdyodanáriqam­tamasyzetýbolyptabyl­ady. Al is-sharanyń ashylý saltanatyna IýNESKO men ISESKO isteri jó­nindegi Qa­zaq­stan ulttyq komıs­sııasy­nyń tóraǵasy Imanǵalı Tas­ma­ǵambetov, Qazaqstan Par­la­menti Májilisiniń depýtaty Darıǵa Nazarbaeva, Mádenıet já­ne aq­parat vıse-mınıstri As­qar Bóribaev, IýNESKO-nyń Bú­kilálemdik klýbtar, ortalyqtar, assosıasııalar federasııasynyń prezıdenti Djordj Hrıstofıdes, IýNESKO-nyń Azııa-Tynyq muhıt klýbtar, ortalyqtar jáne assosıasııalar federasııasynyń pre­zıdenti Djeı Kýn Iý qatysty.

– Bul jolǵy dıalog aldaǵy aı­da Nıý-Iorkte ornalasqan BUU-nyń bas keńsesinde jalǵa­syn tabady. Onda jahandyq qun­dy­­lyq­­tar jaıy ortaǵa túsedi. Eń mańyz­dysy, biz osy forýmda tú­­zilgen usynystarymyzdy son­­da túgel usynatyn bolamyz, – dedi Djordj Hrıstofıdes. – Bú­gin biz, sál keshirek, arnaıy ko­mıs­sııa jumysynyń nátıjesin kóre­miz: komıssııa bizge «Astana Dek­larasııasynyń» jobasyn usy­nady. Osynyń barlyǵy qazirgi kez­de Astananyń óte mańyzdy ról atqaratyndyǵyna aıǵaq bola ala­dy.

Ol óz sózinde sonymen qa­tar, Eýropa men Azııanyń orta­synda, Eýrazııa júreginde orna­las­qandyqtan, Qazaqstannyń má­de­nıetterdi jaqyndastyrýdyń ja­han­dyq aýqymdaǵy úrdisinde atqa­ratyn róliniń aıryqsha ekenine nazar aýdardy. Budan keıin Djeı Kýn Iý bul istegi Qazaqstan lıderiniń erek­she eńbegin atap ótti.

– Men Qazaqstandaǵy tul­ǵa­lar­dyń álemdegi beıbitshilik pen kelisimge qatysty kóptegen máse­leler boıynsha úlken qam­qor­lyq tanytyp otyrǵanyna kýá boldym, – dedi ol. – Qazaqstan qonaqjaı, dostyq peıildegi meıir­ban el bolyp tabylady. Qazaq eli kóptegen mádenıetterdiń mu­ra­syna ıe. Qazaq elinen biz úıle­sim­niń úlgisin kórip otyrmyz. Osy­nyń arqasynda Qazaqstan aı­tar­lyqtaı ekonomıkalyq ósim­ge qol jetkizýde. Munyń bar­lyǵy tańǵaldyrady, tańdaı qaq­ty­rady. Qazaqstan qoǵamy aıqyn joldyń arqasynda turaqty damýda. Qazaq elinde ornyqqan qundylyqtar damýmen úndesýde.

Konferensııaǵa qatysýshylar búgin «Mádenıetter jaqyn­da­­sýynyń halyqaralyq on­jyl­dy­ǵynyń» tusaýkeserine qatysady.

Serik PIRNAZAR,

«Egemen Qazaqstan».

Sýretti túsirgen

Erlan OMAROV.