Bir pánnen muǵalimder kóp, ekinshisinen az...
Á rjańa oqý jylynyń óz ereksheligi bar. Ol jas urpaqqa bilim berýdegi osy sala qyzmetkerlerine, ustazdarǵa júkteletin mindetterge baılanysty. Bıylǵy oqý jylynda mektepter bilim berýdiń memlekettik jalpy mindetti standartyna kóshedi. Kóptildilikti damytý aıasynda aǵylshyn tili birinshi synyptan bastap oqytylady.
Bir pánnen muǵalimder kóp, ekinshisinen az...
Á rjańa oqý jylynyń óz ereksheligi bar. Ol jas urpaqqa bilim berýdegi osy sala qyzmetkerlerine, ustazdarǵa júkteletin mindetterge baılanysty. Bıylǵy oqý jylynda mektepter bilim berýdiń memlekettik jalpy mindetti standartyna kóshedi. Kóptildilikti damytý aıasynda aǵylshyn tili birinshi synyptan bastap oqytylady.
Bilim berý salasy zamanmen birge damıdy. Sirá, ýaqyttyń aldynda júrýge tıis bolar. О́ıtkeni, HHI ǵasyr – tehnologııalar zamany. Memleketimiz dúnıe júzindegi damyǵan elderdiń qatarynan kóriný úshin ekonomıka jáne áleýmettik sala jańa tehnologııalarǵa qurylýy qajet ekenin qazir qarapaıym jandardyń ózi túsinedi. Munsyz álemdik básekede asyǵymyz alshysynan turmaıdy. Qaı ýaqytta da bilimsiz damý bolǵan emes. Osyndaı álemdik deńgeıdegi ózekti máselelerdiń irgetasy kishkentaı bilim uıasynan bastaý alatyny ustaz retinde meni maqtanysh sezimine bóleıdi. Sonymen qatar, nardyń júgindeı jaýapkershilikti de sezinemiz.
Aǵylshyn tilin birinshi synyptan oqytý, matematıkalyq beıimdegi pánderge basymdyq berý mektepter, ustazdar úshin jeńil jumys emes. Onyń ústine oblysta bıyl 578 bilim berý mekemesi «E-learning» elektrondy bilim berý júıesimen jumys isteıtin bolady. Onyń ishinde Jitiqara aýdanyndaǵy №3 mektep te bar. Bul mektep elektrondy bilim berý isi boıynsha aýdandaǵy barlyq bilim oshaqtary úshin resýrstyq ortalyq bolady. Tamyz máslıhatynan osy tapsyrmalar men mindetterdi júzege asyrýdyń joldary men túıindi sheshimderin estımiz dep úmittenemin. О́zim kóp jyldan beri jergilikti jerdegi bilim berý salasynyń basy-qasynda júrgendikten aıtar pikirimdi de ortaǵa salsam deımin. Elektrondy bilim berý júıesiniń aqsamaı júrýi úshin eń aldymen mektepterdiń materıaldyq-tehnıkalyq jaǵdaıy saıma-saı bolýy tıis. Ásirese, qazir aýyldyq jerlerde keń jolaqty ınternet úzdiksiz bolmaı, elektrondy bilim berý isi alǵa baspaıdy.
Al ekinshi bir sheshimi qıyn túıin – kadr máselesi. Bizdiń aýdanda aǵylshyn tilinen muǵalimder jetkilikti. Bul ata-analar men mektep basshylary úshin asa qýanyshty jaǵdaı da bolyp otyr. Biraq matematıkalyq beıim sabaqtardan muǵalimder jetispeıdi. Onyń sebebi kópshilikke aıan dep oılaımyn. Birinshiden, aýylǵa jastar bara bermeıdi. Áleýmettik máseleler kóp. Ekinshiden, joǵary oqý oryndarynda matematıkalyq beıim pánder boıynsha mamandar az daıyndalady. Jastar bul mamandyqty az qalaıdy. Osy baǵytta túıinniń sheshimin tabýǵa bilim uıasynan bastap, jergilikti atqarý organdary, ata-analar, jalpy qoǵam jumylýy tıis.
Sarra AQTAEVA,
Jitiqara aýdandyq bilim
bóliminiń basshysy.
Qostanaı oblysy,
Jitiqara aýdany.
