Keshe túnde Aqtóbede Eýropa lıgasynyń tórtinshi raýndynyń birinshi matchynda jergilikti «Aqtóbe» men Kıevtiń «Dınamosy» kezdesti. Bastan-aıaq tartysqa toly bolyp ótken kezdesýdiń qorytyndysynda qonaqtar 3:2 esebimen jeńiske jetti.Matchtyń debıýttik bóligi tájirıbesi kóp kıevtikterdiń basymdylyǵymen ótti.Olar tipti esep te ashyp kete jazdady. Alaıda, sodan keıin óz-ózderine kelgen aqtóbelikter birtindep alǵa sholǵyndaı bastady. Sonyń birinde, 10-mınýtta olar meımandar qaqpasy aldynda alǵashqy qaýipti sátti týyndatty. Degenmen, «birer ıt-kóılekti buryn tozdyrǵan» dınamoshylar oıynnyń tizginin óz qoldarynan shyǵara qoımady. Osy artyqshylyq aqyry 16-mınýtta olardyń esep ashýlaryna aparyp jetkizdi. Ony aıyp alańynda eki birdeı qorǵaýshynyń ortasynda turǵan Iаrmolenko túsirdi.
Qaqpalaryna dop ótkizip alǵan aqtóbelikter sodan keıin taǵy alǵa umtyldy. Arada 20 mınýttan keıin ǵana olar esepti teńestirýge qol jetkizdi. Sóıtip, oıynnyń 37-mınýtynda aıyp dobyn soǵý kezinde jerlesterimiz ese qaıtardy. Munda Geınrıhtiń oń qaptaldan kelip, urǵan dobyna basyn qoıa salǵan Tremýlın óz qaqpasyna kirgizip aldy - 1:1.
Kezdesýdiń ekinshi taımy qonaqtardyń birshama jigerli shabýyldarymen ótti. Muny olar kóp uzamaı eki golǵa aınaldyra bildi. Bizdiń jigitter tek oıyn sońyna qaraı ǵana shabýylshy Marat Haırýlınniń sheberligi arqasynda bir goldyń qarymtasyn qaıtardy. Olardyń budan artyqqa shamalary jetpedi. Osylaısha, azýly qarsylas óziniń alymdylyǵyn tanytyp, jeńisti tartyp áketti.
Bul utys «Dınamoǵa» kelesi kezeńge ótýge úlken artyqshylyq áperip otyr.
Damır QOJAMQUL.
