Mysyrda azamat soǵysy júrip jatqandaı
Álemdegi oqıǵalardy oılaǵanda, Egıpetti attap kete almaısyń. О́tken aptanyń sońǵy tórt kúninde bul elde 750 adam qaza taýypty. Muny endi soǵys demeı, ne dersiń! Ras, qatań komendanttyq tártiptiń nátıjesinde sońǵy kúnderi birshama tynyshtyq ornady.
Mysyrda azamat soǵysy júrip jatqandaı
Álemdegi oqıǵalardy oılaǵanda, Egıpetti attap kete almaısyń. О́tken aptanyń sońǵy tórt kúninde bul elde 750 adam qaza taýypty. Muny endi soǵys demeı, ne dersiń! Ras, qatań komendanttyq tártiptiń nátıjesinde sońǵy kúnderi birshama tynyshtyq ornady.
Biraq, oǵan jurt senip otyrǵan joq. Kóp adam ony daýyldyń aldyndaǵy tynyshtyq sátteı kóredi. Kúni erteń qozdyń oty lap etip syrtqa shyǵyp, boı bermes soǵys órtine aınalatyn sııaqty. Oǵan negiz de joq emes. Qarsylasqan kúshterdiń biri ekinshisin moıyndamaıdy. Kelisim joq jerde kerisýge jol ashyq.
Bul elde qaqtyǵys bastalǵaly bergi eki jarym jyldyń ishinde saıası kúshter kelisim jolyn izdeý ornyna óz bılikterin ornyqtyrýǵa umtyldy. Hosnı Múbárak bıligin qulatqan tóńkeristi paıdalanyp, bılikke kelgender basqalarmen til tabysýdy oılamaı, óz tártibin ornyqtyrýǵa kiristi. Basqalardyń qarsylyǵyna qaramaı, ózine qolaıly konstıtýsııany engizip, onyń talaptaryna saı ómir qalyptastyrýdy qolǵa aldy. Oǵan halyqtyń qarsylyǵy kúsheıip, el azamat soǵysynyń qaýpine jetken kezde áskerıler bılikti óz qolyna alýǵa májbúr boldy.
Sol tusta el taǵdyryn oılaǵan áskerılerdiń qadamyn quptap, pikir aıtqanymyz da este. Olardyń barlyq saıası kúshterdi yntymaqqa shaqyrǵany, ýaqytsha úkimettiń quramyna kirip, barlyq máseleni kelisim arnasynda sheshýge shaqyrǵany kópshilik tarapynan qoldaý da tapqandaı edi. Biraq, oǵan ıslamıster kónbedi. «Demokratııalyq jolmen» saılanǵan prezıdent Mohammad Mýrsıdi taǵyna qaıta otyrǵyzýdy talap etti. Kún saıyn olar aqylǵa syımaıtyn áreketterge bardy. Hrıstıan arabtardyń shirkeýlerin qıratýlary óz aldyna, Qyzyl jarty aı uıymynyń úıin órtep, temir joldardy buzýlary olardyń kelisimge kelmeıtinin ańǵartty.
Áskerılerdiń ıslamısterdiń talaptaryn oryndamaıtyny belgili. Sóıtse de áskerılerdiń olarǵa qarsy tym qatqyl sharalaryn quptaý da qıyn edi. Sherýge shyqqandardy tártipke shaqyrý barysyndaǵy qaqtyǵysta júzdegen adam qaza tapty, jaralanǵandar qanshama. Kúni keshe ıslamısterdiń josyqsyz áreketterine toqtaý jasaǵan áskerılerdiń qadamdaryn quptaǵan jurtshylyqtyń birshamasy endi mynadaı adam qurbandyǵyna ushyratqan sharalardy aıyptaýǵa kóshti. Tipti, halyqaralyq uıymdar da, jeke elder de Egıpettiń jańa úkimetiniń óz qarsylastaryna baǵyttalǵan repressııalyq sharalaryn aıyptap, óz kózqarastaryn ózgertip otyr.
Árıne, áskerıler ıslamısterge qarsy qatqyl sharalardyń mysyr halqynyń múddesi, eldegi turaqtylyqty saqtaý maqsatynda jasalyp otyrǵanyn aıtyp aqtalady. Eldiń qarýly kúshteriniń bas qolbasshysy Ábdil-Fattah ás-Sısı bylaı dedi: «Alla atymen ant etip aıtamyn: biz úshin, jeke men úshin halyqtyń múddesin qorǵaý Egıpetti bıleýden áldeqaıda joǵary». Aıta ketetin jaı: kúni keshe «Musylman baýyrlar» uıymynyń áreketine kýá bolǵandardyń kópshiligi áskerılerdiń olarǵa qarsy qatqyl sharalaryn quptaıtyn kórinedi.
Egıpette óte kúrdeli jaǵdaı qalyptasyp otyr. Elde komendanttyq tártip engizilgen. Ýaqytsha úkimet burynǵy prezıdent Mýrsıdiń jaqtastarynyń áreketterin qatty aıyptap, «Musylman baýyrlar» uıymynyń múshelerin qamaýǵa alýda. Bul uıymnyń rýhanı kósemi Mýhammed Badıdyń tutqyndalýy da elde úlken shý týdyrdy. Oǵan halyqty kúsh qoldanýǵa, qarýly qaqtyǵysqa shaqyrdy degen aıyp taǵylyp otyr. Islamısterdiń áreketterin terrorlyq áreketke teńestirý aqparat quraldarynda etek alǵan. Tipti, «Musylman baýyrlar» uıymynyń qyzmetine burynǵydaı taǵy da tyıym salynady eken degen de sóz bar. Al bul uıymdy keshegi saılaýda halyqtyń 40 paıyzy qoldaǵany belgili. Erteń jaǵdaıdyń qaı baǵytta ózgeretini týraly boljam aıtý da qıyn.
Terrorshylardan saqtanbasań bolmaıdy
AQSh-tyń Ulttyq qaýipsizdik agenttigi ataqty «Ál-Kaıda» terrorıstik uıymynyń Eýropanyń birqatar elderiniń temir joldarynda jarylys aktilerin júzege asyrýdy josparlap otyrǵanyn habarlady.
«Terror» degen sózdi es
