«QazMunaıGaz» Barlaý О́ndirý» AQ ó jumyskerleriniń tabysty eńbek etip, jumystan bos ýaqytta sportpen aınalysyp, salamatty ómir saltyn ustanýyna qoldaý kórsetip keledi. Munaıshylar sportpen aınalysyp qana qoımaı, ony úlken yntymaq-birliktiń sharasy – Spartakıada aýqymyna kóterip otyr. О́tken jyly «QazMunaıGaz» Barlaý О́ndirý» AQ-ǵa qarasty, enshiles jáne birlesken kásiporyndary eńbek ujymdarynyń Astanada I spartakıadasy ótken bolatyn. Bıyl 19 tamyzda, dástúrli sport saıysy, II spartakıadanyń týy men alaýy Jańaózen qalasynda Ámın Tuıaqov atyndaǵy stadıonda kóterildi, Elimizdiń ánurany shyrqaldy.
«QazMunaıGaz» Barlaý О́ndirý» AQ ó jumyskerleriniń tabysty eńbek etip, jumystan bos ýaqytta sportpen aınalysyp, salamatty ómir saltyn ustanýyna qoldaý kórsetip keledi. Munaıshylar sportpen aınalysyp qana qoımaı, ony úlken yntymaq-birliktiń sharasy – Spartakıada aýqymyna kóterip otyr. О́tken jyly «QazMunaıGaz» Barlaý О́ndirý» AQ-ǵa qarasty, enshiles jáne birlesken kásiporyndary eńbek ujymdarynyń Astanada I spartakıadasy ótken bolatyn. Bıyl 19 tamyzda, dástúrli sport saıysy, II spartakıadanyń týy men alaýy Jańaózen qalasynda Ámın Tuıaqov atyndaǵy stadıonda kóterildi, Elimizdiń ánurany shyrqaldy.
О́tken jyly «О́zenmunaıgaz» AQ munaıshylary spartakıada jeńimpazy bolǵan bolatyn. Sondyqtan, bıylǵy spartakıadany uıymdastyryp, ótkizýde úlken ujymmen birge ózendik munaıshylar kóp kúsh saldy. 19 tamyz kúni bastalǵan spartakıada bes kún boıy munaıshylar qalasynyń kórkin sporttyq saıystarmen qyzdyrady.
«Aqmyshta týyp, AQSh-ta júlde alǵan» jelaıaq, munaıly Mańǵystaý óńiriniń týmasy Ámın Tuıaqov atyndaǵy 3 myń adamǵa arnalǵan stadıon kórermenge lyq toldy. Ánshi Tamara Asar, «Jorǵa» bı toby ónermen qoldaý kórsetip, belgili sport kommentatory A.Seıithanuly júrgizgen sporttyq shara jalpy jurtshylyqqa merekelik kóńil-kúı syılap, keshki samalda sergı demalýǵa múmkindik bergenin aıta ketý kerek.
«QazMunaıGaz» BО́» AQ bas dırektory A.Nurseıitov, KSRO sport sheberi Á.Tuıaqov saıysqa qatysýshylardy quttyqtap, sáttilik tiledi. «Qara altyn» qambasyn toltyrý jolynda qajyrly eńbek etip júrgen munaıshylar tek qurysh bilek eńbekkerler ǵana emes, eńbekte ysylǵan, ábden shynyqqan sportshylar bolyp shyqty. Iаǵnı, spartakıadaǵa qatysýshy 400-ge tarta saıysker munaıshylar arasynda túrli dárejedegi sport sheberleri, sport túrlerinen álem, Azııa chempıondary da bar. Munaıly astana Atyraý oblysynan kelgen «Embimunaıgaz» AQ-da, Qyzylorda óńiriniń abyroıyn arqalaǵan, ótken jyly spartakıadanyń 3-oryn júldesin qanjyǵasyna bóktergen «Qazgermunaı» BK JShS-de óńkeı saıdyń tasyndaı iriktelgen sańlaqtaryn saıysqa qosypty. Munaıshy sportshylar qataryn Mańǵystaýdan «Qarajanbasmunaı» AQ, «О́zenmunaıgaz» AQ, «Tehnologııalyq kólik jáne uńǵymalarǵa qyzmet kórsetý basqarmasy» JShS, Jańaózendegi QMG BО́ enshiles kásiporyndary jeke komandalar qatary kóbeıtti. Maıtalman munaıshylar arasynda sportty serik etken myqtylar da az emes. Mysaly, «Qarajanbasmunaı» AQ komandasynyń quramynda munaıshy, halyqaralyq dárejedegi sport sheberi, kekýshınkaı-karateden eki dúrkin álem jáne Eýropa chempıony, Qazaqstan Respýblıkasynyń 10 dúrkin chempıony, qoıan-qoltyq urystan elimizdiń chempıony Qanat Joldasbaev saıysqa qatysty. «О́zenmunaıgaz» AQ ta sportshylarǵa kende emes. «О́zenmunaıgaz» atty shaǵyn fýtbol klýby bar mekemeniń ótken jyly spartkıada jeńimpazy bolýy mundaǵy sport salasynyń jolǵa qoıylǵandyǵyn ańǵartady.
– Biz munaıshylardyń sportpen aınalysýyna qajetti ınfraqurylymdardy damytýǵa aıryqsha kóńil bólemiz. Kompanııanyń barlyq enshiles kompanııalary men birlesken kásiporyndarynda munaıshylarǵa jumystan bos ýaqytta sportpen aınalysýǵa jaǵdaı jasalǵan, sondaı-aq, sport saıystaryn ótkizý dástúrge aınalǵan. Mundaı sharalar bizdiń ár oblysta eńbek etip jatqan myńdaǵan qyzmetkerlerimizdiń bir alańda bas qosyp, kúsh salystyrýyna múmkindik beredi, – deıdi «QazMunaıGaz» BО́» AQ bas dırektory A.Nurseıitov. Munaı-gaz kesheni qyzmetkerleriniń kásibı merekesine jáne Mańǵystaý oblysynyń 40, Aqtaý qalasynyń 50 jyldyq mereıtoıyna arnalyp bes kún boıy jalǵasatyn sport saıysynda munaıshylar shaǵyn fýtbol, arqan tartý, voleıbol, júzý, toǵyzqu malaq, ústel tennısi, basketbol, jeńil atletıkalyq estafeta, qazaqsha kúresten baq synaıdy.
Gúlaıym ShYNTEMIRQYZY,
«Egemen Qazaqstan».
