Bıyl oblystaǵy Baıanaýyl aýdanynyń Maıqaıyń kentinde, Sharbaqty aýdanynyń ortalyǵynda jáne oblys ortalyǵyna qarasty Kenjekól aýylynda jańa mektepter boı kóteredi. Birinshi qyrkúıekten oqýshylar kópten kútken Nazarbaev zııatkerlik mektebiniń de tabaldyryǵynan attamaq. Bıyl oblysta 124 mektep kúrdeli jóndeýden ótti.
Bıyl oblystaǵy Baıanaýyl aýdanynyń Maıqaıyń kentinde, Sharbaqty aýdanynyń ortalyǵynda jáne oblys ortalyǵyna qarasty Kenjekól aýylynda jańa mektepter boı kóteredi. Birinshi qyrkúıekten oqýshylar kópten kútken Nazarbaev zııatkerlik mektebiniń de tabaldyryǵynan attamaq. Bıyl oblysta 124 mektep kúrdeli jóndeýden ótti.
Aldaǵy oqý jylynda óńirde 9700 búldirshin mektep tabaldyryǵyn attaıdy. Ustazdar qatary 547 túlekpen tolyqty. Olardyń 413-i eńbek jolyn aýyldan bastaǵaly otyr. «Mektepke jol» jalpy respýblıkalyq sharasy aıasynda turmysy tómen otbasylarynyń 4 myńnan asa balasy kıimdermen, oqý quraldarymen qamtamasyz etiledi. Munyń bári jaqsy, árıne. Alaıda, oqýshylar sanynyń azdyǵyna baılanysty birqatar mektepterdiń jabylyp qalǵany kóńilge kirbiń uıalatady. Sóıtip, 1 qyrkúıekte Jelezınka aýdanynyń Razdelnoe, Jambyl atyndaǵy, Ekibastuz aýyldyq aımaǵyna qarasty Kóksıyr, Ertis aýdanyndaǵy Qostomar aýyldaryndaǵy mektepterde qońyraý soǵylmaıtyn boldy. Sonymen qatar, oblys ortalyǵyndaǵy jetim jáne ata-ananyń qamqorlyǵynsyz qalǵan balalarǵa arnalǵan mektep-ınternat ta óz jumysyn toqtatty. Onyń tárbıelenýshileri osy sanattaǵy balalarǵa arnalǵan basqa ınternattarǵa ornalastyryldy.
Mine, pavlodarlyqtar jańa oqý jylyn osylaı bir qýanysh, bir renishpen qarsy alǵaly otyr.
Farıda BYQAI,
«Egemen Qazaqstan».
PAVLODAR.
