...Tirshiliktiń qaınar kózi burqyldap jatqan jazıraly Jarkent jerine jolymyz túskende Panfılov aýdanynyń burynǵy ákimi, búginde Jambyl aýdanynyń tizginin ustap otyrǵan Mahabbat Bıgeldıev eńbekten baqytyn tapqan Eńbek Erleri Kúlásh Aıtjanova men Adalıat Mashýrova esimderin birinshi kezekte aıtqan edi. Respýblıkamyzda júgeri óndiretin birden-bir aýdanda júgeriden mol ónim alyp, óz zamanynda eńbektiń kórigin qyzdyrǵan sol analarǵa jolyqtyq.
...Tirshiliktiń qaınar kózi burqyldap jatqan jazıraly Jarkent jerine jolymyz túskende Panfılov aýdanynyń burynǵy ákimi, búginde Jambyl aýdanynyń tizginin ustap otyrǵan Mahabbat Bıgeldıev eńbekten baqytyn tapqan Eńbek Erleri Kúlásh Aıtjanova men Adalıat Mashýrova esimderin birinshi kezekte aıtqan edi. Respýblıkamyzda júgeri óndiretin birden-bir aýdanda júgeriden mol ónim alyp, óz zamanynda eńbektiń kórigin qyzdyrǵan sol analarǵa jolyqtyq.
«Allataǵala: «Adamǵaǵumyrberdim, kóretinjaryq, tatatyndám, taýsylmasarmanberdim, biraqnıetinózineqaldyrdym», depti. Qandaı jumys istesem de tek jaqsy degen baǵa alyp, halyq qurmetine bólendim. Sol elim «oı, Adalıatim-aı, qazaq, uıǵyrǵa birdeı Adalıatim-aı» deıtin. Qazir oılap otyrsam omyraýyma Altyn Juldyz taqqanym da bir tarıhı oqıǵa eken. Tańerteń qora sypyryp júrsem, aýyldyq keńestiń tóraǵasy apa sizge Eńbek Eri ataǵy keldi ǵoı degende senerimdi de, senbesimdi de bilmedim. Artynsha gúl shoqtaryn kótergen oqýshylar máz bolyp quttyqtap, arty eresekter lebizimen jalǵasty. Qýanyshtan jylap júrgenderi de bar. Eń basty ustanymym – ádildiktiń aq týyn jelbiretý, ıá árkim syılasqannyń quly. Kúrejoldyń ústińgi jaǵynda Kúlásh Ahmetova júgeri ósirip Eńbek Eri atansa, sol joldyń astyńǵy qabatynda men eńbek ettim. Aramyzda paıda bolǵan jaqsy bir syılastyqty eńbekpen baılanystyramyn. Atyn týra atamaı Kúlátáıim deımin. Qatar júrip júgeri egiletin alqaptar qunarlylyǵyn arttyrý úshin aǵash kóshetin tigip, topyraqtyń qýattylyǵyn arttyryp, gúldegen soń, otaıtynbyz. Elime razymyn. Keshegi eńbek týraly aıtsam, alqapqa bir tas tússe oı bul tas tuqym sepkishke zııanyn tıgizedi ǵoı dep shyr-pyrymyz shyǵatyn. Aıaǵymyzdan rezeńke etigimizdi sheshpeı júgeriniń ár sabaǵyna sý jetýin qamtıtynbyz. Eń bastysy, júregimizben berile eńbek etetin edik. Qazir sondaı dıqandar joq shyǵar. Áıel zaty bolsaq ta er azamattardan kem qalmaı jumys istedik», dedi Adalıat Mashýrova.
Kóptegen marapataýlardyń ishinde Adalıat apa Mashýrova úshin KSRO Joǵarǵy Keńesiniń 1945 jyly 6 maýsymdaǵy «Uly otan soǵysyndaǵy eńbegi úshin» medali óte qadirli. Endi she, 15 jastaǵy qyz úshin bul úlken marapat emes pe. 1966 jyly «Vır-156» sortynyń ár gektarynan 60 sentnerdiń ornyna 80 sentner ónim alǵany úshin úlken qurmetke bólenip, 1971 jyly Lenın ordeni, 1979 jyly Sosıalıstik Eńbek Eri ataǵy berilip, Altyn Juldyz jáne Lenın ordeni tapsyryldy. 2000 jyly Panfılov aýdanynyń, al 2008 jyly «Almaty oblysynyń qurmetti azamaty» ataǵy, 2013 jyly «Kásipkerler men aýyl sharýashylyǵy qyzmetkerleri assosıasııasy» respýblıkalyq qoǵamdyq qory janynan quralǵan «Qazaqstan mesenattar klýby» taǵaıyndaǵan «Ilham» syılyǵy tabystaldy.
«Shejin aýylynda qazaqtyń has sýretshisi Ábilhan Qasteev atamen kórshi turyp, balalarymen birge óstim. 2 jasymda ákem soǵysqa attanyp, qudaıdyń qudiretimen sheshem ekeýmiz qaldyq. Turmystyq jaǵdaı áser etti me, áıteýir, bir kúsh paıda boldy. Sheshem Shejinniń tasyn sanap, ketpen shaýyp ótti. 8 jasymda sheshemniń eteginen ustap aıyrylmaǵandyqtan shyǵar, jaryqtyq, «Osy ketpen menimen ketsin, bala bolyp oınasańshy» dep ursatyn. Sonda meniń ketpenim qutty ketpen dep jumys arasynda demalyp otyrǵan áıelder otyrǵan jerdi shyr aınaldyra shaýyp tastaıtyn edim. 13 jasymda kolhozǵa múshe bolyp, qoı qyrqýmen jumysym bastaldy. Birde qulap túsem, birde shashymdy tross julyp ketedi. Biraq alǵan betimnen qaıtpaı kúnine 80-90 qoı qyrqatynmyn. Sóıtip Aıtjannyń qyryqtyqshy qyzy degen ataq aldym. Sol ataq jumysqa degen qulshynysymdy arttyrdy. 1957 jyly turmysqa shyǵyp, áıeldermen birge júgeri ósirýge kiristim. Onyń basty sebepkeri ýaqyt atty tóreshi desem qatelespeımin. Zamana talabyny sáıkes teń-tustarym respýblıkamyzdyń ár túkpirinen eren eńbek úlgisin kórsetýge toptar quryp, bastamalar kóterge
