Aqtaýda Kórsetilgen shekteýlerdiń negizinde 4 jumys toby quryldy. Aqtaý qalasy Polısııa basqarmasynyń ýchaskelik polısııa ınspektorlary osy qurylǵan toptarmen birlese 70-ten astam kóńil kóterý oryndaryn, kompıýterlik jáne bılıard klýbtar tekserilip, onyń ishinde 14-i ashyq turǵan. Olardyń ıelerine erejeler túsindirildi, berilgen 15 mınýt ýaqyt ishinde oryndar jabylyp, eskertildi. Bul týraly Mańǵystaý oblystyq Polısııa departamenti baspasóz qyzmeti habarlady.
Engizilgen rejımge sáıkes meıramhanalardyń, kafelerdiń, ózge de qoǵamdyq tamaqtaný oryndarynyń jumys ýaqyty shekteldi – olar 22.00-ge deıin jumys isteıdi. IIM mınıstri E.Turǵymbaevtyń tótenshe jaǵdaılar týraly birneshe aıtqanyna qaramastan Aqtaý qalasynyń 26 shaǵyn aýdanynda ornalasqan «Svejak» orny kórsetilgen ýaqyttan keıin de jumys jasaǵan. Ákimshige qatysty ÁQBtK-niń 476-babyna sáıkes ákimshilik hattama toltyryldy. Kelýshilerge erejeler túsindirilip, úılerine taratyldy.
5 jumys toby bólinip, ár shaǵynaýdan boıynsha qarap shyqty. Atap aıtsaq, 1-9 shaǵynaýdan, 10-19 shaǵynaýdan, 20-29 shaǵynaýdan, 30-35 shaǵynaýdan (Shyǵys 1, 2,3) jáne Prıozernyı, О́mirzaq aýylyndaǵy kóńil kóteretin oryndar men kompıýter, bılıard klýbtary qaraldy. Tártipti buzǵandar barlyǵy berilgen ýaqyttyń ishinde kelýshilerdi taratyp, esigin japty. Tártipke baǵynbaǵan 1 kafe ıesine ákimshilik hattama toltyryldy. Aıta keteıik, Aqtaýda 220-dan astam kóńil kóterý orny bar. Jumys toby túngi tekserýlerdi kún saıyn jalǵastyratyn bolady.
-Elimizde jarııalanǵan tótenshe jaǵdaı boıynsha biraz shekteýler qoıyldy. Onyń ishinde shaǵyn jáne orta kásip sýbektileri bar. Saǵat keshki 22.00-ge deıin kafe, meıramhana, barlarǵa shekteý qoıylǵan. Endi qarap tekserip kele jatyrmyz, ózińiz kórgendeı 80%-y jabyq ekeni, jarlyqqa sáıkes shara qoldanǵanyn kórdik. Al, áli kúnge deıin jasap jatqandaryna eskertý jasalyp, erejemen tanysyp, ıeleri japty. Aldaǵy ýaqytta osy jumystar jalǵasady, qadaǵalaımyz,tekseremiz. Qalalyq ákimshiliktiń jáne polısııa basqarmasynyń baqylaýynda bolady. Alǵashqy shara eskertý. Eger keleńsiz jaǵdaı bolyp jatsa, ıaǵnı taǵy da ashyq bolyp, zańǵa qaıshy kelip jatsa, ákimshilik quqyq buzýshylyq hattamasy toltyrylyp, 476- bap boıynsha 10 AEK aıyppul tóleýge shara qoldanylady, dedi Aqtaý qalasy polısııa basqarmasy jergilikti polısııa qyzmeti bóliminiń bastyǵy polısııa maıory Batyr Kóshkinov.
Mańǵystaý oblysy
