О́z tarapynan bankter kelesidegi qoldadyý kórsetýge daıyn ekendikterin rastady:
- QR- da tótenshe jaǵdaıdyń áreket etý kezeńinde Qazaqstanda tótenshe jaǵdaıǵa baılanysty shekteýler nátıjesinde qaryz alýshylarda týyndaǵan tólemderdiń merzimin ótkizip alýda aıyppuldar men ósimaqylar eseptelmeıdi. Jeke tulǵalarǵa osy sharany qoldaný úshin bankke júginýdiń qajeti joq.
- QR Tótenshe jaǵdaı kezeńinde QR zańnamasyna tıisti túzetýler qabyldanǵannan jáne kúshine engennen keıin, tóleý merzimi 90 kúnnen asatyn merzimdi quraıtyn jeke tulǵalardyń kepilsiz tutynýshylyq qaryzdary boıynsha paıyzdyq syıaqyny esepteýdi toqtatý. Osy sharany qoldaný úshin bankke júginýdiń qajeti joq.
- Qazaqstanda tótenshe jaǵdaıǵa baılanysty shekteýlerdi engizý nátıjesinde qarjylyq jaǵdaıy nasharlaǵan jeke kásipkerler men shaǵyn jáne orta bıznes sýbektileri úshin kredıtter boıynsha mindettemelerdi oryndaý boıynsha 90 kúnge deıingi merzimge keıinge qaldyrý jáne bereshekti óteý kestesin qaıta qaraý múmkindigi jeke tártippen qaralatyn bolady.
Bankter qaryz alýshylardyń bankter kórsetken resýrsqa nemese arnaǵa (elektrondyq poshta, «bank-klıent» onlaın júıesi, banktiń ınternet resýrsy) jazbasha túrde jiberilgen ótinishterin onlaın qaraıtyn bolady. Árbir bank úshin ótinishterdi qabyldaýdyń bólingen arnasy týraly aqparat onyń ınternet resýrsynda ornalastyrylady.
О́tinishti qaraý barysynda bank qajetti rastaýshy qujattardy suratady jáne qaryz alýshyǵa qaraý nátıjeleri týraly habarlaıdy.
Qazaqstannyń qarjy naryǵyna qatysýshylar Úkimet pen qarjy sektorynyń sharalaryn iske asyrý nátıjesinde otandyq bızneske qajetti kómekkórsetiletinine, sondaı-aq boryshtyq jáne salyq aýyrtpalyǵyn tómendetý, sondaı-aq jumys istep turǵan jumys oryndaryn saqtaý jáne jańa jumys oryndaryn qurý arqyly halyq úshin áleýmettik kepildikter qamtamasyz etiletinine senimdi.
ALMATY
