Qazaq Ulttyq ýnıversıtetinde jýrnalıstik oqý taýysqan talapty oǵlan jastaıynan tanylyp, «Almaty aqshamy», «Alash aınasy», «Dala men qala», «Zań», «Jas qazaq úni», sondaı-aq Shyǵys Qazaqstan oblystyq «Dıdar»gazetterinde jemisti jumys istedi. Sonyń nətıjesinde Prezıdenttiń Alǵys hatyn alyp, «Jyldyń jas jýrnalısi» atanǵan. Buıyrsa, bul əriptesimizdiń alar asýlary əli alda dep bilemiz.
Osy jýyrda ǵana onyń «El – əńgimeshi» atty kitaby jaryq kórip, oqyrmanǵa jol tartty. Iə, uly Muhtar Əýezov aıtqandaı, «Jer əńgimeshi, jer əńgimeshi bolǵan soń el – əńgimeshi». Jalpy ulan-ǵaıyr qazaq dalasynyń qaı pushpaǵy da qasıetti. Tarıhı-tanymdyq taǵylymdarǵa tunyp tur. Áıtse de, Abaı, Shəkərim, Muhtar syndy danalardy bergen Shyńǵystaý óńiriniń árıne jóni bólek. Sol kıeli topyraqta týyp-ósken Azamat inimizdiń sana sańylaýy erterek ashylyp, el ishindegi esti sózderge qumarlana qulaq túrgeni anyq.
Jyp-jyly jınaqqa engen oı-tolǵamdar, ocherkter, suhbattar kózi ashyq, kókiregi oıaý kópshiliktiń kóńilinen shyǵaryna shek keltirmeımiz. Bir baıqaǵanymyz, orda buzar otyzdy endi ǵana ortalaǵan qalamger ulttyq qundylyqtarymyzdy ulyqtaýǵa qal-qaderinshe qulash urady. Etnografııalyq etıýdterge toly «Aıýdy arqandaǵan Shoıtaban», «Tarpańdardy tyrp etkizbeıtin Təttimbet» jəne basqa maqalalary oqyrmandy eriksiz baýraıdy. Qazir saıatshylyq, atbegilik sııaqty mynaý qazaqtar qalalanǵan zamanda tańsyq taqyrypqa aınalǵan «eskilik qaldyqtarynan aryla almaı» júrgen etno-jýrnalıster onsha kóp emes. Sondyqtan Azamat Qasymnyń qan sonarǵa túsken ańshydaı qanjyǵasyn maılaýǵa asyqqan izgi izdenisterine səttilik tileımiz.
Kitapta siz ben bizdi beıjaı qaldyrmaıtyn basqa da məıekti maqalalar barshylyq. Olardy ózderińiz oqyǵandaryńyz durys bolar.
