Eń aldymen taýarlar men kórsetiletin qyzmetterdiń sapasy men qaýipsizdigin baqylaý departamenti Qazaqstan Respýblıkasy Bas sanıtarııalyq dárigeriniń respýblıka kóleminde qaýipsizdik sharalaryn qamtamasyz etý týraly №27 jáne Qyzylorda oblysynyń bas sanıtarııalyq dárigeriniń №3 qaýlylarynan týyndaıtyn talaptardy qatań saqtaý jaıly aıtyldy.
Tıisti oryndarǵa qajetti betperde, medısınalyq qural-jabdyq, antıseptıkterge qajetti qarjy kólemin naqtylap, esebin oblystyq ekonomıka jáne bıýdjettik josparlaý basqarmasyna usyný tapsyryldy. Qashyqtyqtan oqytý boıynsha bilim berý uıymdary men oqýshylardyń daıyndyǵyn qamtamasyz etý de júkteldi.
Oblystyq ındýstrııalyq-ınnovasııalyq damý basqarmasy aımaqtaǵy iri kompanııalardyń óz qarajaty esebinen barlyq jumysshysyn koronavırýsty anyqtaıtyn testen ótkizýine yqpal jasaýy qajet.
Oblystyq jumyspen qamtýdy úılestirý jáne áleýmettik baǵdarlamalar basqarmasy Qyzylorda qalasy jáne aýdandar ákimderimen birlesip, óńirlerdegi bos jumys oryndaryna kúndelikti monıtorıng júrgizip, jumyssyz azamattardy jumyspen qamtý boıynsha naqty sharalar qabyldap nátıjesin eki kún merzim ishinde oblys ákimine baıandaýy kerek.
Azyq-túlik qoryn molaıtyp, ony jergilikti jerlerge jetkizý máselesin retteı otyryp, áleýmettik mańyzy bar taýar baǵalarynyń sharyqtaýyna jol bermeý asa mańyzdy. Osy maqsatta oblystyq aýyl sharýashylyǵy basqarmasyna 1 sáýirge deıin oblystyq turaqtandyrý qoryn azyq-túliktiń qajetti qorymen qamtamasyz etý tapsyryldy.
- Kóktemgi dala jumystaryna da kóńil bólýimiz qajet. Sondyqtan, Qyzylorda qalasy men aýdan ákimderi, oblystyq aýyl sharýashylyǵy basqarmasy osy baǵyttaǵy sharalardy shıratyp, «Qazsýshar» mekemesimen birlesip oryn alyp otyrǵan sý tapshylyǵyna baılanysty bıylǵa josparlanǵan kúrish egý kólemin ońtaılandyrsyn. Osy syn saǵatta kásipkerler halyqqa qaraılasyp, jeke basy múddesi úshin alaıaqtyqqa, alypsatarlyqqa jol bermeýi tıis. Buǵan da erekshe nazar aýdaryńyzdar. Birinshi kezekte, jumyssyzdyqtyń aldyn alyp, azyq-túlik pen eń qajetti taýarlardyń, medısınalyq zattardyń tapshylyǵyna jol bermeı, qoǵamdyq-saıası ahýaldyń turaqtylyǵyn saqtaýymyz kerek, – dedi oblys ákimi.
