Qazir ǵana Glazgodaǵy «Seltık Park» stadıonynda oınalyp bitken «Seltık» - «Shahter» matchynan keıin baspasóz máslıhatynda jýrnalıster suraqtaryna jaýap bergen qaraǵandylyqtardyń bas jattyqtyrýshysy Vıktor Kýmykovtyń jaýaptaryn nazarlaryńyzǵa usynamyz. Ol óte qysqa aıtyldy.
-Mıster Kýmykov, qazir qandaı sezimdi bastan keship otyrsyz?
-Jalpy, biz ózimizden sheberligi joǵary komandaǵa utyldyq. Tutastaı alǵanda, onyń árbir oıynshysy jekeleı turǵyda bizdiń fýtbolshylardan artyq. Shyntýaıtynda, osylaı aıaqtalǵany ádildik. Biraq bizdiń qosymsha ýaqytta ǵana jol berip alǵanymyz óte ókinishti. Biz birinshi goldy da, úshinshi goldy da qosymsha ýaqytta ótkizip aldyq. Ahýal basqasha qalyptasqanda, bári ózgeshe bolar edi. О́kinishti, biraq oǵan ister aılamyz joq. Endi Eýropa lıgasynda oınaıtyn bolamyz.
-Siz birinshi ret múmkindigi týǵan Chempıondar lıgasynyń toptyq kezeńine óte almaǵandaryńyzǵa qapa bolyp otyrsyz ba?
-Árıne, ondaı qapa bolýshylyq bar, biraq, tutastaı alǵanda, muny ádildik dep sanaýymyz kerek.
Damır Qojamqul.
