Elge paıdasy tıgen adam jaqsy

Jumysynan amalsyz aıy­rylǵan, kásibinen qaǵylǵan jurt ne isterin bilmeı daǵdaryp qalǵan bolatyn. Mine, elimizdegi tótenshe jaǵdaıǵa jáne memlekettiń daǵdarysqa qarsy is-sharalaryna baılanysty Prezıdent Qasym-Jomart Toqaevtyń málimdemesi eldiń osynaý alań kóńilin basyp, qandaı qıyn kezeń bolsa da memleket tarapynan qoldaý eshqashan toqtamaıtynyn anyq baıqatty.

Shynynda qazirgi kúrdeli jaǵdaı yrǵalyp-jyrǵalýdy kó­termeıdi. Naqty ári batyl áre­ketter kerek. Prezıdenttiń má­limdemesi sonysymen de mańyz­dy. Endi Úkimet, jergilikti atqa­rýshy organdar tapsyrmalar­dy tezirek ári sapaly júzege asyrýy tıis. Árıne ár adamnyń densaýlyǵy óz qolynda. Bul tarapta memleket adam densaýlyǵyn saqtaýda barlyq múmkindikti jasap otyr. Memleket basshysy álemdi jaılaǵan indettiń qoǵam damýyna qandaı qıyndyqtar týdyrǵanyn atap ótip, odan shyǵýdyń joldaryn da kórsetip, múmkindikter jasaýda.

Bul qıyndyqtan shyǵý tek mem­­lekettiń ǵana mindeti emes. Qıyn­­dyqty eńserýge el azamat­tary­nyń barlyǵy atsalysýy kerek. Birde súıikti paıǵambarymyz Mu­hammedten (s.ǵ.s.) bir kisi: «Ýa, Allanyń elshisi, eń jaq­sy adam kim?» dep suraǵanda, ol: «Eń jaqsy adam – qoǵamǵa, el­ge paıdasy tıgen pende» dep jaýap bergen eken. Shynynda qazir­gideı qysyltaıań sátte dúrbeleń tý­dyr­maı, halyq memleketke qol­daý kór­setýi kerek. Iаǵnı ár adam­nyń qo­ǵamǵa, elge paıdasy tııýi kerek.

Jalpy alǵanda, eldiń eko­no­mıkalyq damýynyń loko­motıvi aýyl sharýashylyǵy salasy ekeni belgili. Qazaqstan – agrarlyq memleket. Osyny esten shyǵarmaýymyz qajet. Son­dyqtan kóktemgi egis naýqa­nyn ýaqtyly ótkizý asa mańyz­dy. Buǵan bıýdjetten 70 mıllıard teńge bólinetin boldy. «Kóktemniń ár kúni jylǵa azyq» degen, Prezıdenttiń egis naý­qanyna jasaǵan qoldaýy sharýa qaýymnyń tirligin baıandy ári tabysty ete túsetini sózsiz. «Eń­bek etpeseń, elge ókpeleme, egin ekpeseń, jerge ókpeleme» degen, búginde dáýletin asyryp, asy­ǵy alshysynan túsip otyrǵan shar­­ýa­shylyqtar jeterlik. Mine, osy sharýashylyqtar tirshiligin shashy­ratyp almaýy kerek.

Qalaı aıtsaq ta, biz tarıhy­myzda qandaı qıyndyqtar bol­ǵanyn túsiný arqyly ǵana bola­shaqtyń qalaı bolatynyn uǵyna alamyz. Endeshe qoǵamdaǵy be­reke-birlik kúsh-qýatymyzdy arttyra túsetini anyq.

Ábdáli NURALIEV,

Senat depýtaty