Barshaǵa belgili Eýropadaǵy, Amerıkadaǵy, basqa da aımaqtardaǵy tótenshe jaǵdaı əlemdi alańdatýda. Osyǵan oraı Qazaqstan Prezıdenti jer betine jaıylǵan indettiń elimizde keń tarap ketpeýin der kezinde nazarda ustap, qolǵa alǵany, qaýipsizdikti saqtaý úshin mańyzdy sharalardy júzege asyrǵany belgili.
Barlyq óńirde tərtip ornatyp, tazalyq pen uqyptylyqty, jaýapkershilikti saqtaýdy talap etip, sony júzege asyrýdy tapsyrdy. Memleket basshysy osy jolǵy Qazaqstan halqyna arnaǵan məlimdemesinde eldiń əleýmettik jaǵdaıyna basa nazar aýdaryp, kómektesý qajettigi týraly tıisti salalarǵa naqty tapsyrma bergeni kóptiń kóńilinen shyqty. Atap aıtqanda, eldegi ınflıasııanyń artýyna baılanysty zeınetaqy men jərdemaqylardy 10 paıyzǵa ósirý týraly tapsyrma berýi, shaǵyn jəne orta bıznes ókilderine qamqorlyq kórsetý, aýyl sharýashylyǵyn damytýǵa, fermerlerge kómek, janar-jaǵarmaı, dızel otyny baǵasyn arzandatý, karantın kezinde jumysshylarǵa kórsetiler kómek, bank salalaryna qarjylyq retteý, salyqtan bosatý sekildi Memleket basshysynyń daǵdarysqa qarsy 8 tapsyrmasy jurtshylyq tarapynan qyzý qoldaý tabýda. Mysaly, azamattardyń tabysyn arttyrý úshin 200 mıllıard teńgeden astam qarajat bólinetini, elimiz úshin azamattardyń densaýlyǵy men olardyń materıaldyq ahýaly, halyqtyń kúnkóris tabysynyń azaımaýy mańyzdy. Qasym-Jomart Kemeluly jaǵdaıdyń ýshyǵa túskenin eskerip, bızneske qoldaý kórsetý jóninde tıisti sheshimder qabyldady. Qosymsha əleýmettik tólemderdi arttyrý baǵytynda elimizdegi úsh mıllıonǵa jýyq adamǵa qoldaý kórsetý qajettigi aıtyldy. Azyq-túlikti tegin alatyndar sanyn arttyrý, jaǵdaıy tómen otbasylarǵa kórsetiler kómek, osy jəne taǵy basqa sharalar qıyn kezeńde Qazaqstan jurtshylyǵyna jasalyp otyrǵan ıgi ister. Endigi jerde halqymyz sabyrlylyq tanytyp, tərtip pen jaýapkershilikti tý etip ustap, Memleket basshysy óz məlimdemesinde atap ótkenindeı, daǵdarys kezinde uıymshyldyq tanyta bilgeni abzal.
Memleket basshysynyń indetpen kúresip, kún-tún demeı jumys istep jatqan medısına qyzmetkerlerine alǵys aıtyp, olarǵa qosymsha syıaqy tóleý týraly sheshimi jurtshylyqtyń rızashylyǵyn týdyrdy.
Aqan BIJANOV,
Fılosofııa, saıasattaný jáne dintaný ınstıtýtynyń dırektory, saıası ǵylymdar doktory, professor
ALMATY
