«Búkil elimiz, tipti búkil adamzat úshin synaq bolǵan osynaý qıyn kezeńde aınalamyzǵa azyraq shýaq, biz úshin basyn qaterge tigip, qaýipti dertpen kúresip júrgen jandarǵa qurmetimizdi kórsetkimiz keldi» deıdi meıramhana ókili.
Bul aksııany dárigerler de, polısııa qyzmetkerleri de óte jyly qabyldap, shynaıy alǵys bildirdi. Batys Qazaqstan oblystyq polısııa departamentiniń bastyǵy, polısııa general-maıory Maqsuthan Ábilázimov áleýmettik jeli arqyly meıramhana ujymyna alǵys aıtty.
-Qaıyrymdylyq - halqymyzdyń eń izgi qasıetteriniń biri. «Janashyrlyqqa jan rıza» degendeı, halqymyz kómekke muqtaj adamǵa kómek kórsetip, qaıyrymdylyq jasaýdy, úlkendi qurmetteýdi, múgedekterdi qoldap-qorǵaýdy árbir qaıyrymdy adamnyń adamgershilik boryshy dep sanaıdy. Búgingi kúni karantın kezinde syrtqa shyǵý múmkindigi bolmaǵan adamdarǵa, onyń ishinde qarııalarǵa da azyq-túlik, kúndelikti kerek-jaraqpen kómek kórsetip júrgen azamattarymyz da az emes. Bul ıgi isteri kópke úlgi bolary sózsiz. Búgin blok beketterde qyzmet atqaryp júrgen polısııa jáne medısına qyzmetkerlerine ystyq tamaq jetkizip, óz yqylasyn bildirgen qalamyzdaǵy jeke kásipker «NAVAT» meıramhanasynyń ıesi Rahmatýllın Rınat Rashıtulyna jáne onyń qyzmetkerlerine óz atymnan jáne jeke quram atynan alǵysymdy bilderimin. Eldegi aýyzbirshilikti nyǵaıtýǵa qosqan úlesińiz úshin otbasyńyzǵa amandyq jáne bereke-birlik tileımin, - deıdi general.
Batys Qazaqstan
