«Qazir, ókinishke qaraı, áleýmettik jelilerde eldegi koronavırýs ınfeksııasyna qatysty jalǵan aqparattar kóbeıip ketti. Kún saıyn adamdar túrli eski jáne ózge elderdegi vıdeolardy jarııalaýda. Neshe túrli jalǵan aýdıojazbalar tarap jatyr. Qoǵamda mundaı dúrbeleń týǵyzbaýymyz kerek. Sondyqtan taǵy da tek resmı derekterge senýlerińizdi suraımyz», dedi Dáýren Abaev.
Mınıstrdiń aıtýynsha, búgingi kúni jalǵan aqparat taratyp, eldi dúrliktirgen 41 oqıǵa tirkelgen.
«Qazir barlyq jergilikti polısııa departamentterinde osyndaı olqylyqtardy anyqtaý úshin arnaıy top jumys istep jatyr. Sońǵy málimetke sáıkes, 41 sotqa deıingi tergeý faktisi tirkeldi. Barlyq kináliler anyqtalyp, jazasyn óteıdi», dedi mınıstr.
