Kúsheıtilgen karantın rejiminde óreskel qylyq kórsetken blogerdiń áreketi jeli qoldanýshylary tarapynan erekshe narazylyq týdyrdy. О́ıtkeni, Batys Qazaqstan oblystyq bas sanıtarlyq dárigeriniń buıryǵymen koronavırýstyń taralýyn boldyrmaý úshin 31 naýryzdan bastap qatań sharalar qabyldanǵan bolatyn. Rejimge sáıkes barlyq qoǵamdyq tamaqtaný oryndary jabylǵan, daıyn tamaqty úıge aparyp berý qyzmeti 22.00. saǵatqa deıin jasaıdy.
Oqıǵaǵa oraı tez qımyldaǵan oraldyq polısııa almatylyq blogerdi beınejazbadaǵy eki dosymen qosa 5 sáýir kúni qamaýǵa aldy.
– Biz karantın rejimin saqtamaǵan quqyqbuzýshylardy anyqtap, qolǵa túsirdik. Olardyń ústinen Ákimshilik quqyqbuzýshylyq týraly Kodekstiń 476 baby boıynsha is qozǵaldy. Beınerolık avtory almatylyq, Oral qalasyna 31 naýryz kúni, kúsheıtilgen karantın engiziler ýaqyttan sál buryn Reseı Federasııasynan kelgen. Shekaradan ótken kezde oǵan 14 kúndik karantın rejimin saqtap, úıde oqshaýlaný týraly eskertilgen. Alaıda ol oqshaýlaný erejesin buzyp, dostarymen qoǵamdyq orynǵa barǵany anyqtaldy. Endi oǵan qandaı jaza taǵaıyndaıtynyn sot oryndary anyqtaıdy, - deıdi Batys Qazaqstan oblystyq Polısııa departamentiniń resmı ókili Bolatbek Belgibekov.
Batys Qazaqstan
