Shyǵys Qazaqstan oblysyndaǵy Nıkolaev ken baıytý fabrıkasy aldaǵy ýaqytta óz ónimderi kólemin 30 paıyzǵa deıin arttyrýdy kózdep otyr. Bul, ken baıytý ornynda júrgizilip jatqan jańǵyrtý jumystarynyń nátıjesinde júzege aspaq.
Shyǵys Qazaqstan oblysyndaǵy Nıkolaev ken baıytý fabrıkasy aldaǵy ýaqytta óz ónimderi kólemin 30 paıyzǵa deıin arttyrýdy kózdep otyr. Bul, ken baıytý ornynda júrgizilip jatqan jańǵyrtý jumystarynyń nátıjesinde júzege aspaq.
Atap aıtar bolsaq, fabrıkaǵa jańa úgitkish quraldar ornatylyp, flotasııa parki men ólshemdik aýmaqtardyń barlyǵy bútindeı jańartylatyn bolady. Dál qazir jańǵyrtý jumystaryn júrgizýmen 500-ge tarta qurylysshy jáne qurastyrýshy mamandar aınalysýda.
– Búgingi kúni jańǵyrtý jumystary qatty qarqynmen júrip jatyr desem artyq aıtpaımyn. Bas korpýstyń ózinde jumystyń 80 paıyzy aıaqtaldy. Biz, árıne, bolashaqta kózdegen múddege jetsek deımiz ǵoı. Eger bizdiń ken baıytýymyz buryn jylyna 1 mln. 800 myń tonna bolsa, endi, dál osy jańǵyrtý kómegimen 2 mln. 200 myń tonna bolady. Iаǵnı mys, myrysh, qorǵasyn konsentrattarynyń kólemi ulǵaıady, – deıdi Nıkolaev ken baıytý fabrıkasynyń bas ınjeneri Oljas Tóleýtaev.
Aıta ketý kerek, qurylǵylar tek qana jańartylyp qoıylmaı, olar meılinshe avtomatty júıege engizilmek. Bul – fabrıkadaǵy jumysshylardyń aýyr eńbegin sál de bolsa jeńildetip, olardyń keler kúnge degen senimin arttyrady. О́ıtkeni, óndiristiń bir orynda turyp qalýy álbette jumysshylardyń kóńiline qorqynysh uıalatady. Al jańa qural alyp, zaman aǵymyna laıyqtalyp jatqan jumys ornynyń qashan da bolashaǵy bar degen sóz.
– Jańa quraldardyń kelýi óndiristi qarqyndatady. Jumys jaqsy júrse bizdiń eńbegimiz jemisti bolady. Onyń ústine biz bilgenimizdi arttyryp, osy jańa quraldardy ıgerýdemiz» – deıdi fabrıkadaǵy jas jumysshylardyń biri Ermek Qamataev.
Ázirge fabrıkanyń birinshi seksııasynda jumys tolyq aıaqtalyp, ondaǵy jumysshylar jańǵyrtylǵan jabdyqtardy basqarýda. Endi, ekinshi seksııa jańǵyrtýdan ótken soń óndiris orny tolyqqandy qyzmetke kirisip, jumysyn eseleıtin bolady. Eskeretin bir jaıt, zamanaýı quraldar standartqa saı bolýymen qatar, qaýipsizdik tehnıkasyn saqtaýymen de erekshelenedi.
– Biz bul jańǵyrtýdy kópten beri kútip júr edik. Jumystyń júrgeni, quraldyń jańarǵany kimge jaman bolsyn? Erteń sapaly metall alyp, el ekonomıkasyna úles qossaq, biz sony maqtan tutamyz, – deıdi osy jerdegi áıelder qaýymynyń ókili Deshevık Gýlıaeva. Osylaısha, fabrıka ujymy aldaǵy ýaqytta josparlyq kórsetkishti arttyrmaq.
Aıta ketý kerek, Nıkolaev ken baıytý fabrıkasy álemdegi eń iri mys óndirýshilerdiń biri – «Qazaqmys» korporasııasynyń quramyna enedi. Shyǵys Qazaqstan oblysynyń Shemonaıha aýdanynda ornalasqan óndiris ornynyń irgetasy osydan 33 jyl buryn qalanǵan. Qazirde myńdaǵan adam eńbek etip jatqan fabrıka oblys ekonomıkasynyń órleýine naqty úles qosyp qana qoımaı, únemi jańashyldyqqa qaraı bet burýda. Búgingi jańǵyrtý jumystary fabrıka qol jetkizgen jetistikterdiń tek biri ǵana.
О́ndiris orny Elbasy tapsyrmasyna sáıkes, ındýstrııalyq-ınnovasııalyq saıasatty júzege asyrý jumystaryn munymen toqtatpaq emes. О́ıtkeni, básekege qabiletti, tórt aıaǵynan tik turǵan óndiristiń aldaǵy ýaqytta kózdegen maqsattary bıik. Fabrıkanyń bas ınjeneri Oljas Tóleýtaevtyń aıtýynsha, aldaǵy ýaqytta bul jerde kennen altyn aıyratyn seksııa ashý josparlanýda. Dál qazir jańǵyrtý jumystarymen qatar, osy jańa seksııany iske qosýǵa daıyndyq qadamdary jasalýda. Endeshe, mys, myrysh, qorǵasyn konsentrattaryn alatyn fabrıkada bolashaqta áli de jańa jumys oryndary ashylyp, jańǵyrtýdyń san túri júrgiziledi degen sóz.
Elmeıir AHMET.
Shyǵys Qazaqstan oblysy.
