Daıarlyq deńgeıi joǵary

Buǵan deıin habarlanǵanyndaı, Qorǵanys mınıstri Ádilbek Jaqsybekov bastaǵan qazaqstandyq áskerı delegasııa Túrkııa Respýblıkasynda júr. Qazaqstan qorǵanys vedomstvosy basshysynyń Túrkııaǵa resmı sapary 23-27 qyrkúıek aralyǵyna josparlanǵan.

Buǵan deıin habarlanǵanyndaı, Qorǵanys mınıstri Ádilbek Jaqsybekov bastaǵan qazaqstandyq áskerı delegasııa Túrkııa Respýblıkasynda júr. Qazaqstan qorǵanys vedomstvosy basshysynyń Túrkııaǵa resmı sapary 23-27 qyrkúıek aralyǵyna josparlanǵan.

Qorǵanys mınıstri apta basynda Ankarada Túrkııa joǵary áskerı basshylyǵymen birqatar kelissózder ótkizip, qorǵanys-ónerkásibi kesheniniń túrik tarapymen birlesken jobalarynyń iske asyrylý barysymen tanys­ty. Sondaı-aq, Túrkııa Qarýly kúshteriniń qorǵanys tapsyrysyn oryndaıtyn birqatar iri áskerı zaýyttarda boldy. Ankara túbinde ornalasqan bitimgershilik brıgadasyna bardy.

Ystambulda áskerı bilim sala­syndaǵy yntymaqtastyqty odan ári damytý máselelerin Qazaqstan Qorǵanys mınıstriniń orynbasary, general-maıor Baǵdat Maıkeev Túrkııa Qarýly kúshteri Bas shtaby Birikken áskerı akademııasy basshylyǵymen talqylady. Osy akademııada áskerı akademııalyq bilimi bar maıor, polkovnık áskerı ataǵyndaǵy ofıserler bilim alady. Birikken áskerı akademııanyń qurylymyna Qurlyq áskerleri, Áskerı-áýe kúshteri jáne Áskerı-teńiz kúshteriniń áskerı akademııalary kiredi. Osy akademııalardyń barlyǵy Ystambul qalasynyń bir aýmaǵynda ornalasqan.

Baǵdat Maıkeev akademııany bitirgen qazaqstandyq áske­rı qyzmetshilerdiń daıarlyq deńgeıine kóńili tolatynyn jetkizip, olardyń is júzinde naqty nátıjeler kórsetýmen qyzmet babynda kóterilip kele jatqanyn atap ótti.

– Qazaqstan Qorǵanys mınıstri Elbasy – Qarýly Kúshterdiń Joǵarǵy Bas qolbasshysynyń tapsyrmasyn oryndaı otyryp, áskerı bilimdi qorǵanys vedomstvosynyń basym baǵyttarynyń biri retin­de belgilep berdi. Búgingi tań­da qazaqstandyq áskerı qyzmet­shilerge álemniń eń bedeldi áske­rı joǵary oqý oryndarynda bi­lim alý úshin barlyq qajetti jaǵdaılar jasalǵan. Qazaqstandyq ofıserlerdiń osy jerde túrik ofıserlerimen bir baǵdarlama boıynsha oqyp jatqany kóńil qýantady, – dep atap ótti general-maıor B.Maıkeev.

Akademııa basshylyǵy qa­zaq­standyq tarappen ynty­maqtastyqty ári qaraı nyǵaıtýǵa jáne damytýǵa ázir ekendikterin bildirdi. Qazirgi ýaqytta Túrkııa Qurlyq áskerleriniń áskerı akademııasynda qazaqstandyq áskerı qyzmetshiler bilim alýda.

«Egemen-aqparat».