Tamyzda bastalǵan jaýyn-shashyn ara-tura ashylǵanymen, bult kóbesi sógilmeı, kún áli de jyly qabaq tanytpaı tur. Qońyr kúz túskeli beri aýa raıy sýytpasa jylyr túri joq. Bul bıyl qys erte túser me eken dep qaýiptendiredi. Sınoptıkter de muny joqqa shyǵarmaıdy. Munyń ózi qysqa tııanaqty daıyndalýdyń qajettigin alǵa tartady. О́ńirde jylý berý maýsymyna daıyndyq qandaı deńgeıde? Qysta qysylmas úshin qandaı sharýalar atqaryldy?
Tamyzda bastalǵan jaýyn-shashyn ara-tura ashylǵanymen, bult kóbesi sógilmeı, kún áli de jyly qabaq tanytpaı tur. Qońyr kúz túskeli beri aýa raıy sýytpasa jylyr túri joq. Bul bıyl qys erte túser me eken dep qaýiptendiredi. Sınoptıkter de muny joqqa shyǵarmaıdy. Munyń ózi qysqa tııanaqty daıyndalýdyń qajettigin alǵa tartady. О́ńirde jylý berý maýsymyna daıyndyq qandaı deńgeıde? Qysta qysylmas úshin qandaı sharýalar atqaryldy?
«Egemen Qazaqstan» gazetiniń Aqtóbe oblysyndaǵy menshikti tilshisi Satybaldy Sáýirbaı oblystyq energetıka, turǵyn úı jáne kommýnaldyq sharýashylyǵy basqarmasynyń basshysy Mamyrǵalı Aqqaǵazovqa:
– Siz buǵan ne deısiz?
– Qazaq «Qys shanańdy jaz saıla» degendi tegin aıtpasa kerek. Sondyqtan da, jyldaǵy dástúr boıynsha jaz boıy qystyń qamyn jasaý baǵytynda birqatar sharýa tyndyryldy. Oblysta jergilikti atqarý organdarynyń qabyldaǵan sharalarynyń nátıjesinde 2013-2014 jyldardaǵy jylý berý maýsymyna tııanaqty ázirlik jasaldy. Ústimizdegi jylǵy 20 qyrkúıekke deıin josparlanǵan 127 jylý qazandyǵynyń 125-i jóndeldi nemese olardyń qysqy maýsymǵa daıyndyǵy 98,4 paıyzdy qurady. 281,7 shaqyrym jylý jelileriniń 275,7 shaqyrymy jóndeldi. Bul – jylý jelileri 97,9 paıyz daıyn degen sóz. 624,6 shaqyrym elektr jelileriniń 612,4 shaqyrymy, 216,0 shaqyrym sý jáne káriz qubyrlarynyń 208,9 shaqyrymy qysta jumys isteýge daıyn. Jylý berý maýsymyna bilim berý jáne densaýlyq saqtaý nysandary tolyqtaı ázir etip qoıyldy. Jóndeý jumystaryn júrgizý josparlanǵan 1014 turǵyn úı jylý maýsymyna saqadaı-saı ázir.
Áleýmettik jáne óndiristik nysandardy jylý berý maýsymyna daıyndaýǵa mekemelerdiń óz qarajaty kózderinen jáne jergilikti bıýdjet esebinen 8,6 mlrd. teńge, onyń ishinde 2,1 mlrd. teńge normatıvtik otyn qoryn daıyndaýǵa bólindi. Osy merzimge memlekettik mekemelerge josparlanǵan 51,4 myń tonna qatty otyn tolyqtaı, 10,7 myń tonna dızel otynynyń 10,3 myń tonnasy tasyp jetkizildi. Bul jumys aıaqtalyp qaldy dese de bolady. Zańdy jáne jeke tulǵalardyń kommýnaldyq qyzmetterge bereshegi byltyrǵy jyldyń osy kezeńimen salystyrǵanda 17 paıyzǵa azaıdy nemese 36,2 mıllıon teńgeni qurap otyr. Jylytý maýsymy bastalǵanǵa deıin tutynylǵan kommýnaldyq bereshekterdi joıý baǵytynda tıisti sharalar alynýda.
Jalpy, oblys boıynsha jylý berý maýsymyna daıyndyq máselesi oblys ákimdigi tarapynan turaqty baqylaýda ustalyp otyr. Osy oraıda aıta ketetin bir jaıt – bizdiń oblysta sońǵy jyldary qysqy kezeńde tótenshe jaǵdaılar týyndaǵan joq. Biraq, bul biz úshin arqany keńge salýǵa ıtermeleıtin nárse emes. Sondyqtan qysqy kezeńge daıyndyqty tııanaqtaýdyń sharýalary júıeli júrgizile beretin bolady.
Aqtóbe oblysy.
