Basty maqsat — tuńǵıyq jyrdyń tunyǵy atanǵan mereıger aqynnyń shyǵarmashylyǵyn dáripteý arqyly jas urpaqty otansúıgishtikke tárbıeleý. Atyraýdan bastaý alǵan jyr estafetasyn memleket jáne qoǵam qaıratkerleri, joǵary oqý ornynyń basshylary men zııaly qaýym qoldady. Olardyń arasynda óner zertteýshisi Ilıa Jaqanov, kompozıtor Tólegen Muhamedjanov, Qazaqstan Jazýshylar Odaǵynyń basqarma tóraǵasy Ulyqbek Esdáýlet, aqyn Svetqalı Nurjan, Parlament Senatynyń depýtattary Nurtóre Júsip pen Sársenbaı Eńsegenov, Mádenıet jáne sport mınıstri Aqtoty Raıymqulova da bar.
Aqyn óleńderin oqýǵa mektep oqýshylary da belsendilikpen qatysýda. Endi Atyraý oblysyndaǵy barlyq mekteptiń oqýshylary Jumeken aqynnyń jyrlaryn sońǵy qońyraýda onlaın oqýǵa daıyndalyp otyr.
– Volonter jyly aıasynda bul is-sharany mektep oqýshylary erikti túrde ótkizedi. Oblystyq bilim basqarmasy óleń oqýdy usynys retinde berdi. Oqýshylar men ata-ana qoldaıdy dep senemiz, - deıdi ıdeıa avtory, belgili telejýrnalıst, «Atyraý» telearnasynyń dırektory Áýesbaıdyń Qanaty.
