Dál qazirgi ýaqytta qazaq­standyq jankúıerlerdi «Barys­tyń» tizginin kim ustaıdy degen suraq mazalaýda. О́ıt­keni sáýirden beri bas bapkersiz qal­ǵan «Barys» eki aı boıy jat­tyq­tyrýshy taba almaı júr. Bál­kim, buǵan komandanyń al­daǵy maýsymdaǵy bıýd­jeti­niń be­kitilmegendigi sebep bolýy múmkin. О́ıtkeni jyl­­dyq shy­ǵyndy eseptemeı, jattyq­ty­rýshymen keli­sim­shart jasaı al­maıty­ny bel­gili. Qazaqstandyq BAQ ókil­deriniń jazýynsha, «Ba­rys­tyń» basshylyǵy jańa bas jat­tyqtyrýshynyń esimin kelesi aıdyń basynda jarııalaýy múm­kin. Sebebi komandalar shildeden bastap jańa maýsymǵa jattyǵý jıyndaryn bas­taýy kerek.

Elorda ujymyna bapker bolyp keletin kandıdattardyń ishinde Reseı, Fınlıandııa, Kanada, Belarýs jáne Qazaqstannyń mamandary bar ekeni aıtylýda. Sondaı-aq «Barysqa» kelgen maman mindetti túrde Qazaq­stan ulttyq quramasyn da jat­tyq­tyrýy kerek. Al kóp jaǵ­daıda jattyqtyrýshylar «eki kemeniń basyn ustaýǵa» kelisimin bere bermeıdi.

Sport sarapshylary «Ba­rysty» baptaýy múmkin degen jat­tyq­tyrýshy­lardyń ishin­de negizgi úmitker – qazaq jan­kúıer­­lerine esimi jaqsy tanys fın­lıandııalyq Arı-Pekka Selın ekenin aıtyp jatyr. Fın mamany elorda komandasyn buǵan deıin 2013/2014 jylǵy maý­symda jattyqtyryp, biraz jetistikke qol jetkizgen. Selınniń qol astynda «Barys» Chernyshev dıvızıonynda birinshi ret top jaryp, Gagarın kýbogy jarys jolynda pleı-off básekesiniń ekinshi kezeńine shyqqan.

Al komandany keıingi eki jylda basqarǵan 49 jastaǵy Andreı Ska­elka «Baryspen» birge táýir nátıje kór­setip, Arı-Pekka Selınniń jetistigin qaıtalaǵanyn aıta keteıik. О́ıt­keni eki maýsymda da jerles­terimiz Chernyshev dıvızıonynda top jaryp, Shyǵys konferensııasynda ekinshi orynǵa taban tiredi. Eki retinde de pleı-off doda­synyń ekinshi kezeńine shyqty. Tipten, bıyl Gagarın kýbogynda odan da zor kór­setkishke qol jetkizýge shaq qalǵan edi. Biraq koronavırýsqa baılanysty «Barys» básekeni jalǵastyrýdan bas tartty.

Jumys ornyn Nur-Sultannan Iаro­slavl qalasyna aýystyrǵan Bela­rýs mamany qazaqtyń «qýys úıden qur shyqpa» degen ma­qa­lyn ustandy ma eken, ótken maýsymda «Barys» quramynda úzdik ónerimen kózge túsip, komandany órge súıregen eki birdeı oıynshyny ózimen birge «Lokomotıvke» alyp ketti.

Atap aıtar bolsaq, kanadalyq qaqpa­shy Eddı Paskýale men fın­lıandııalyq qorǵaýshy Atte Ohtamaa QHL-diń kelesi maýsymynda temirjolshylardyń namysyn qorǵaıdy. Eki hokkeıshi de ót­ken maýsymda «Barystyń» negizgi quram­daǵy oıynshysy edi. 2019 jyly elorda ujymyn tolyqtyrǵan taǵy bir kanadalyq hokkeıshi Korban Naıt Ombynyń «Avangardynyń» shabýyl shebin kúsheıtedi degen úmitpen sol jaqqa shaqyrtý aldy.

Kelesi maýsymda «Barys» jaqsy óner kórsetip, jankúıer­lerdiń kóńili­nen shyǵý úshin komandadan ketken oıyn­shylardyń ornyn joqtatpaıtyn táýir oıynshylarmen quramdy kúsheıtý kerek. Alaıda, «Barys» jańa hokkeıshilerdi quramǵa qosýǵa asyǵar emes. О́ıtkeni transfer bazaryndaǵy belsendilikti baı­qaı almaı otyrmyz. Qazirgi tańda súıikti komandamyz ótken maýsymda kelisimsharty aıaqtalǵan oıyn­shylar­men jańa kelisim ornatyp, klýb tár­bıelenýshilerin negizgi quramǵa qosýdan qoldary bosamaı jatqan sııaqty.

Máselen, ótken aptada eki birdeı oıynshymen kelisim­shar­tyn uzartty. 2016 jyldan beri «Barys» klýbynda oınap kelgen qorǵaýshy Egor Shalapov elorda komandasynda taǵy eki jyl óner kórsetetin boldy. QHL-diń ótken maý­symynda 60 oıynǵa qatysqan Sha­lapov bir shaıba soǵyp, 10 ret nátıjeli pas asyrǵan. Sonymen qatar qaqpashy Henrık Karlssonmen birjaqty kelisim jasaldy. Henrık 2021 jyldyń 30 sáýirine deıin «Barys» qaqpasyn qor­ǵaıdy.

Al 2017/18 jáne 2018/19 jylǵy maý­symda «Barys» qura­mynda oınaǵan shabýylshy Mett Frettın klýbqa qaıta oraldy. Ol da 2021 jyldyń 30 sáýirine deıin elordalyqtar qatarynda bolmaq. 32 jastaǵy kanadalyq sportshy kezinde Ulttyq hokkeı lıgasynda da oınaǵan. Naqtylap aıtsaq, 2011/13 jyldary «Toronto Meıpl Lıfs», 2013/14 jyldary «Los-Andjeles Kıngz», 2014 jyly «Ko­lambýs Blıý Djekets» klýb­tarynyń na­mysyn qorǵady. Bıyl­ǵy maýsymdy «Aq Barystyń» sa­pynda ótkizip, 60 kezdesýden keıin 33 (11 gol+22 pas) upaı jıdy.

 Sonymen qatar buǵan deıin «Ba­rys» sapynda óner kórsetip kelgen  shabýylshylar Arkadıı Shestakov, Roman Starchenko, Nıkıta Mıhaılıs jáne qorǵaýshy Egor Shalapov kelisim­sharttaryn eki jylǵa uzartqany belgili boldy. Jýyrda klýbtyń resmı saıty «Barystyń» ekinshi komandasy sanalatyn «Nomad» klýbynda jasyndaı jarqyldap, kózge túsken birqatar oıynshylarmen eńbek kelisimshartyn jasaǵanyn habarlady. Atap aıtar bolsaq, QHL-diń aldaǵy maýsymynda qaqpashy Denıs Karataev, shabýylshylar Saıan Danııar, Anton Nekrıach jáne Ivan Vereshagın «Barystyń» namysyn qorǵaıdy.