Elordada COVID-19-dy tekseretin alǵashqy zerthana ashyldy

Densaýlyq saqtaý mınıs­trligi men Nur-Sultan qala­sy­na mobıldiligi men bıoqaýip­siz­diginiń joǵary deńgeıi jáne zertteý prosesiniń avtomattandyrylýy arqyly erekshelenetin biregeı zerthanany Bolat О́temuratov qory tapsyrdy.

Qaıyrymdylyq qory medı­sınalyq zertteýlerge, zert­hanalyq taldaýǵa arnalǵan jab­dyqtar men materıaldar sala­syndaǵy álemdik kóshbasshy sana­latyn BGI (QHR) kompanııa­synan jalpy somasy 4 mln dol­larǵa eki zerthana keshenin satyp aldy. Ekinshi keshen Almaty qalasyna ornatyla bas­tady.

Densaýlyq saqtaý mınıstri Eljan Birtanov, Nur-Sultan ákimi Altaı Kól­gi­nov, qaıyrymdylyq qorynyń quryl­taıshysy Bolat О́temuratov jáne Qam­qor­shy­lar keńesiniń tóraǵasy Almaz Shar­man zerthananyń jumysyn iske qosty.

«Bolat О́temuratov qory tapsyrǵan modýldi zerthana keshenderi korona­vırýsqa tekserýdiń jyldamdyǵy men qamtýyn meılinshe kóbeıtedi. Qa­ıyrymdylyq qoryn ınfeksııamen kúrestiń alǵashqy kúninen bas­tap Densaýlyq saqtaý mınıstrligine kór­setip otyrǵan qoldaýy men vırýstyń taralýyn shekteý úshin qosyp otyrǵan qomaqty úlesi úshin alǵys aıtqym ke­ledi», dedi Densaýlyq saqtaý mı­nıstri Eljan Birtanov.

Zerthana kelesi tulǵalar úshin te­gin skrınıng jasaıtyn bolady: ju­mys­syzdar, turmysy tómen jáne kópbalaly otbasylar, múgedekter, josparly túrde stasıonarǵa jatatyn naýqastar, tynys alý joldary, endokrındi jáne júrek-qan tamyrlary aýrýlarymen tirkeýde turǵan 50 jastan asqan naý­qastar, epıdemııaǵa qarsy kúreske ju­myldyrylǵan arnaıy kontıngent –  volonterler, patrýl qyzmetkerleri, qarttar úıi, ınternattar men basqa da mamandandyrylǵan mekemelerdiń jáne mektepke deıingi mekemelerdiń qyzmetkerleri.

Zerthana PTR taldamanyń barlyq sıklyn jasaý úshin tolyq jabdyqtalǵan. Keshen tutastaı bıologııalyq materıaldy jınaýǵa, saqtaýǵa jáne zat tań­balaýǵa, polımerazdy tizbekti reaksııany qoldana otyryp zertteý júr­gizýge arnalǵan 42 tehnologııalyq qu­ral-saıman men qural jıyntyǵynan turady. Zertteý prosessi tolyq avtomat­tandyrylǵan, bul testti jyldam ári ma­mandardyń az qatysýy arqyly joǵary dáldikpen anyqtaýǵa múmkindik beredi. Zerthananyń qýaty – táýligine 1000 taldaý, keıin 5000-ǵa deıin kóbeıtý jospary bar. Test nátıjesi úsh saǵattyń ishinde daıyn bolady. Bolat О́temuratov qory ár zerthanany jedel iske qosý úshin 30 myń test jasaýǵa qajetti reagentter jıyntyǵymen jabdyqtady.

Keshenniń aýa tiregi qurylymy ish­ki sılındrdiń jáne aýany súzýdiń avtonomdy júıesi bar úsh sılındrlik úrlenetin modýlderden (membranalardan) turady.

Júıe stasıonarlyq zerthanalarda da qol jetkizý múmkin emes bıologııalyq qaýipsizdiktiń joǵary deńgeıin qam­tamasyz etedi jáne Dúnıejúzilik den­saýlyq saqtaý uıymynyń talaptaryna sáıkes keledi. О́ndirýshiniń usynysymen keshen joǵary turaqtylyq pen saqtalýy úshin ǵımarattyń ishinde ornatylady. Nur-Sultanda zerthanany ornatý úshin «Qazaqstan» SK, al Almatyda «Atakent» kórme kesheniniń bir pavılony tańdaldy. Qajettilik týyndaǵan jaǵdaıda zerthananyń ornyn bir aptanyń ishinde aýystyrýǵa bolady.

«Basty mindettiń biri – COVID-19-ben aýyrǵandardy anyqtaý. Tá­jirıbe kórsetip otyrǵandaı, ınfeksııa juqtyrǵandarda aýrý belgileri baıqalmaıdy. Karantın bastalǵanda qalada 1 ǵana zerthana bolsa, qazir onyń sany 6-ǵa jetti. Aldaǵy ýaqytta taǵy ekeýin ashamyz. Bolat О́temuratov qory tapsyrǵan PTR-skrınıng jasaýǵa arnalǵan zerthana kesheni test kólemin arttyrýǵa múmkindik beredi: indet erte kezeńde anyqtalǵan naýqastar der kezinde medısınalyq kómek alyp, olarmen baılanysta bolǵan adamdardyń sany edáýir azaıady. Kórsetilgen qoldaý úshin alǵys aıtamyn», dedi elorda ákimi Altaı Kólginov.

«Mobıldi keshender kommersııalyq keshenderde koronavırýsqa test tap­syrýǵa múmkindigi joq áleýmettik osal toptaǵy azamattar úshin tegin jumys isteıtin bolady. Bul skrınıng aýqymyn keńeıtip, aýrýdy erte kezeńde anyqtaýǵa, asqyný qaýpin tómendetýge jáne vı­rýstyń taralýyn shekteýge múmkindik beredi. Osylaısha memleket, bıznes jáne qoǵamnyń birlesken kúshimen biz ınfeksııany toqtatyp, ony jeńemiz»,  dedi Bolat О́temuratov qorynyń dırektory Marat Aıtmaǵambetov.

Buǵan deıin Bolat О́temuratovtyń qory Qazaqstanda alǵashqy bolyp 200 mln teńgege 94 myń ekspress-test satyp alyp, ony Densaýlyq saq­taý mınıs­trligine tabystaǵan bolatyn. Koro­navırýsqa skrınıng jasaý­dan bólek, О́temuratov «Vernyı Kapıtal» kompanııalar toby arqyly Tuńǵysh Prezıdent – Elbasy Nursultan Nazar­baevtyń bas­tamasymen koronavırýspen kúres jáne halyqtyń áleýmettik az qam­tylǵan tobyn qoldaý úshin qurylǵan «Birgemiz» qoǵamdyq qoryna 1 mln dollar aýdardy.