Krasnoıar aımaǵy úkimetiniń vıse-premeri Anatolıı Sykalov apattyń ondaǵan mıllıard rýbl shyǵyn ákelgenin habarlady. «Sondyqtan qazir apattyń sebebin izdeýmen qatar shyǵyndardy azaıtý kerek. Kompanııa qajet sharalardy qolǵa aldy. Munaı ónimi odan ári tógilip, mańaıdaǵy Pıasıno kóline zalal kelmeýi kerek», deıdi ol.
Basshylyq aqaýdyń kompanııa tarapynan emes qyzmet etýshi qurylymdardyń olqylyǵynan bolýy múmkin degen boljam aıtady. «Jaqynda janarmaı quıatyn qurylǵylardyń jumysy tekserildi. Bizge qyzmet kórsetetin birneshe kompanııa bar. Olardyń da jumysy óndiris úshin mańyzdy», dedi A.Sykalov.
Aımaqtaǵy aýa raıy apat saldaryn joıýǵa qolaıly bolyp otyr. JES jumysyna apat zııan keltirmegen. О́ıtkeni stansa gazben jumys istep, dızeldi qosymsha kúsh retinde paıdalandy. Stansanyń elektr qýaty – 440 MVt, jylý qýaty saǵatyna 1049 Gkal eken. Ekologter muny ekologııalyq apat dep baǵalady. Sonymen qatar búgingi júrgizilip jatqan jumystardyń Krasnoıar aımaǵyn qutqaryp qalmaıtynyn málimdedi. Olardyń oıynsha, úlken sharalar qabyldanbasa, keleshekte saldary aýyr bolmaq.
