Oblystardyń, Nur-Sultan, Almaty jáne Shymkent qalalarynyń ákimdikteri, jumys berýshilerdiń respýblıkalyq birlestikteri, kásipodaqtardyń respýblıkalyq birlestikteri respýblıka kásiporyndaryn Vizion Zero Halyqaralyq áleýmettik qamsyzdandyrý qaýymdastyǵynyń tujyrymdamasyna qosý boıynsha aqparattyq kampanııa ótkizedi.
Tujyrymdama jaraqat deńgeıiniń nóldik, al eńbek jaǵdaılarynyń qaýipsiz bolýyna negizdeletin jeti kelesi «altyn erejeni» qarastyrady:
1) kóshbasshy bolý – qaǵıdattarǵa adaldyqty kórsetý;
2) qaýipterdi anyqtaý – táýekelderdi baqylaý;
3) maqsattardy anyqtaý – baǵdarlamalardy ázirleý;
4) eńbek qaýipsizdigi men gıgıenasy júıesin qurý – uıymnyń joǵary deńgeıine qol jetkizý;
5) jumys oryndarynda, stanoktarmen jáne jabdyqtarmen jumys isteý kezinde qaýipsizdik pen gıgıenany qamtamasyz etý;
6) biliktilikti arttyrý – kásibı daǵdylardy damytý;
7) kadrlarǵa ınvestısııalaý – qatysý arqyly dáleldeý.
Búgingi tańda «Vizion Zero» tujyrymdamasyna 291 kásiporyn qosyldy, olardyń kópshiligi taý-ken metallýrgııa jáne munaı-gaz sektorlaryna («SNPS-Aqtóbemunaıgaz» AQ, «Qazaqaltyn» TKMK» AQ jáne t.b.) jatady, olarda óndiristik jaraqattanýdyń deńgeıi joǵary.
Nóldik jaraqattaný tujyrymdamasy engizilgen sátten bastap respýblıka kásiporyndarynda jazataıym oqıǵalar saldarynan zardap shekkenderdiń sany 7,1%-ǵa tómendedi.
Esterińizge sala keteıik, 2019 jylǵy 17 maýsymda Jeneva qalasynda Eńbek jáne halyqty áleýmettik qorǵaý mınıstrligi men Halyqaralyq áleýmettik qamsyzdandyrý qaýymdastyǵy arasynda «Vision Zero» nóldik jaraqat tujyrymdamasyn ilgeriletý boıynsha ózara túsinistik pen yntymaqtastyq týraly memorandým jasaldy.
Memorandým ozyq tájirıbe jáne óndiristik jaraqattanýdy aıtarlyqtaı tómendetýge, jazataıym oqıǵalar men eńbek jaǵdaılary zııandy jumys oryndarynyń sanyn qysqartýǵa múmkindik beretin aldyn alý sharalaryn iske asyrý máseleleri boıynsha taraptardyń kúsh-jigerin biriktirýge baǵyttalǵan.
