Túrkistan oblysynyń ákimi О́mirzaq Shókeevtiń tóraǵalyǵymen ótken aptalyq májiliste atqarylǵan jumystar jaıly baıandaǵan Kentaý qalasynyń ákimi Dáýren Mahajanov osyndaı derekterdi keltirdi. "Bıyl "Aýyl – el besigi" baǵdarlamasy aıasynda Shaǵa jáne Orańǵaı aýyldarynda bir mektep kúrdeli jóndeýden ótti. 36 jol jóndelip, jaıaý júrginshi joldary salyndy, kósheler jaryqtandyrylýda. "Jumyspen qamtýdyń jol kartasy" baǵdarlamasymen 1 mektep kúrdeli, 35 mektep aǵymdaǵy jóndeýden ótti. Kósheler jóndelip, saıabaqtar abattandyryldy. Kópir jáne jaıaý júrginshi joldar jóndelýde. Atalǵan baǵdarlama aıasynda 300-den astam jumys ornyn ashý josparlanǵan", – dedi Kentaý qalasynyń ákimi.
Oblys ákimi kezinde óndirisi órkendegen óńir bolǵan 65 jyldyq tarıhy bar Kentaý qalasyn Túrkistanmen qatar damytýdy myqtap qolǵa alýdy tapsyrdy. Qalaǵa qarasty aýyldyq okrýg halqynyń áleýmettik, qurylys, ınfraqurylymdyq muń-muqtajdary men ózekti máselelerin der kezinde sheshýdi qala ákimine júktedi. Sondaı-aq aýylsharýashylyǵy, kásipkerlik jáne óndiristi damytyp, ınnovasııalyq jobalarǵa basymdyq berýdi mindettedi.
Túrkistan oblysy
