Jyl bastalǵaly qazvolunteer.kz saıtyna tirkelip, jobalaryn usynǵan 68 volonterlyq qozǵalysqa memleket tarapynan 300 myń teńgeden grant bólinedi.
Bir kúndik kýrs eki baǵytta júzege asyrylady. Birinshisi alǵashqy medısınalyq kómek kórsetýdi úıretý bolsa, ekinshisi volonterlar mindetti túrde qarttar úıinde tájirıbıeden ótýleri kerek. Olar ózderine júktelgen mindettiń jeńil emestigin ábden túsinedi.
–"BIRGEMIZ:QAMQOR" jobasy jyldyń basynda bastaý aldy. Bizdiń baǵytymyz volonterlardy qarttar úıine kómekke tartý. Buǵan deıin karantın kezinde "ZOOM" platformasy arqyly barlyq sabaqtardy onlaın ótkizdik. Qam kóńil qarııalarǵa kómek qolyn sozǵysy keletin janashyr jandardyń kóp ekendigin kórgen saıyn kóńiliń nurlana túsedi,–deıdi "Birgemiz:qamqor" jobasynyń úılestirýshisi Álııa Ahmetova.
Búginde Aqmola oblysy boıynsha 2 myńnan astam volonter men 70 uıym tirkelgen.
