Qala basshysy alǵash bolyp Qazybek bı atyndaǵy №36 jalpy orta mektepte júrip jatqan kúrdeli jóndeý jumystarymen tanysty. Alǵash bilim oshaǵynyń irgetasy 1989 jyly qalanǵan. 1060 oryndyq bilim ordasynda búginde "Yntymaq Qurylys" JShS qurylys kompanııasy kúrdeli jóndeý jumystaryn júrgizip jatyr.
Qala ákimi jóndeý jumystarynyń sapasyn baqylaý maqsatynda áriqaraı №3 Balalar estetıkalyq saz mektebine bardy. Qazirgi tańda mamyr aıynda bastalǵan kúrdeli jóndeý jumysynyń 30 paıyzy aıaqtalǵan. Barlyq jumystardy merdiger josparlanǵan kestege sáıkes jańa oqý jylyna deıin aıaqtaýy tıis.
Sonymen qatar, tozyǵy jetken №122 jalpy orta mektepke de at basyn burdy. 2 aýysymda bilim berip otyrǵan 620 oryndy atalmysh mekteptiń kirpishi 1984 jyly qalanǵan.
Ákim mektepterdegi kúrdeli jóndeý jumystary kestege sáıkes júrip jatqanyna kóz jetkizdi. Bilim nysandaryndaǵy jóndeý jumystarynyń jaı-japsarymen tanysqan Murat Dúısenbekuly qurylystyń sapasyna asa mán berýdi, sondaı-aq jumystardy tezdetip jańa oqý jylyna deıin tolyǵymen aıaqtaýdy tapsyrdy.
