Búgingi kúni jobamen Qazaqstan halqynyń 100%-y qamtylǵan. Onyń aıasynda adam ındıvıd retinde emes, tutastaı otbasyn qoǵamnyń bir bólshegi retinde qarastyrylady. Osy sátke deıin mundaı tásil memlekettik organdardyń bir de bir aqparattyq júıesinde bolǵan joq. Otbasynyń áleýmettik kartasy 24 aqparattyq júıeden 8 memlekettik organnyń avtomattandyrylǵan derekteri negizinde otbasynyń naqty statýsyn dál aıqyndaýǵa múmkindik beredi. Odan ári ómirlik qıyn jaǵdaıǵa tap bolǵan otbasylarǵa ómir súrý deńgeıin arttyrý úshin áleýmettik qoldaýdyń túrli sharalary kórsetiledi.
"Joba ákimdikterge belsendi jumys isteýge múmkindik beredi. Bul degenimiz, otbasynyń kómekke júginýin kútpesten, ony óz betinshe usyný. Mysaly, 2019 jyly otbasynyń áleýmettik kartasynyń arqasynda 12,7 myń adam jumysqa ornalasty, 68,8 myń azamat medısınalyq uıymdarǵa tirkeldi, 72,9 myń bala bilim berý uıymdaryna belgilendi. Osy jáne basqa da sharalarmen birge 2019 jyly 505 otbasynyń ómir súrý sapasyn arttyrýǵa múmkindik týdy. 2020 jyly 951 otbasy kúrdeli jáne daǵdarysty ómirlik súrý deńgeıinen shyǵaryldy", – dedi Eńbek jáne halyqty áleýmettik qorǵaý vıse-mınıstri Narıman Muqyshev.
Esterińizge sala keteıik, otbasynyń áleýmettik kartasy Qazaqstan azamattarynyń ál-aýqatynyń ındeksin tıimdi baqylaýǵa múmkindik beredi jáne ol shuǵyl sharalar qabyldaý qajettiligi týraly aqparatty qamtıdy. Aǵymdaǵy jyly ony odan ári jańǵyrtý josparlanýda.
