Zorlyq-zombylyqqa ushyraǵandarǵa polıseıler ǵana emes, Áıelder kúshiniń alıansy jáne qoldaý ortalyǵy sııaqty eki qoǵamdyq uıym kómek kórsetedi. Japa shekken áıelder munda jarty jylǵa deıin baspana tabady. Bul ýaqytta olarǵa zańnamalyq jáne qarjylyq táýelsizdik alý joldary boıynsha aqyl-keńester de beriledi.
Qazir Petropavl qalasy boıynsha 18 maýsymǵa deıin "Otbasynda zorlyq-zombylyq bolmasyn!" degen aksııa júrip jatyr. Aksııa barysynda buryn zorlyq-zombylyq jasaǵan adamdar tekseriledi jáne japa shekkenderdiń qazirgi ahýaly suralady. Eger janjalqoı úı-ishiniń mazasyn alyp, taǵy urys-keris týdyryp, boqtyq sózder aıtqan bolsa 5 táýlikke deıin, al áıeline qol jumsaǵan bolsa 15 táýlikke deıin qamalady.
Janjalqumar polısııanyń oryndaýǵa bergen mindettemesin de aıaq asty etken bolsa qamalady. Máselen, qalanyń "Jumysshylar kentinde" turatyn 1975 jylǵy týǵan sondaı adam buryn óziniń otbasynan janjalqoılyq qylyqtary úshin aırylyp, sheshesiniń qolynda turatyn edi. Endi sheshesine de maza bermeıtin kórinedi. Polısııanyń oryndaýǵa bergen mindettemelerin de aıaq asty etken. Sol úshin polısııa ony sheshesiniń qarsylyǵyna qaramaı, 5 táýlikke japty.
PETROPAVL
