Elbasy • 19 Maýsym, 2020

Alańdaýǵa negiz joq

21 ret kórsetildi

«Qazaqstannyń Tuńǵysh Prezıdentiniń koronavırýs juqtyrǵany belgili boldy. Osyǵan baılanysty Elbasy oqshaýlandy. Biraq alań­daýǵa esh negiz joq. Nursultan Nazarbaev qashyqtan jumys isteýdi jalǵastyra beredi», dep habarlady Elbasynyń baspasóz qyzmeti.

Bul týraly Elbasynyń baspa­sóz hatshysy Aıdos Úkibaı tómen­degideı pikir bildirdi. «Aı bas­talǵaly Nursultan Nazarbaev­tyń jumys kestesi óte tyǵyz boldy. Elbasy eki­jaqty kelissózder júrgizip, resmı tulǵalardy qabyldady. Oǵan qosa, Tuńǵysh Prezıdent otandyq jáne sheteldik BAQ ókilderine suhbat berdi. Jalpy alǵanda televızııalyq túsiri­lim úshin 40 adam jumys istedi, sonyń ishinde sheteldiń aza­mattary da bar. Nursultan Nazar­baevtyń jaǵdaıyn medısına qyzmetkerleri baqylap otyr. Alańdaýǵa negiz joq. Elbasy zamanaýı kommýnıkasııa arnalaryn paıdalanyp qashyqtan jumys istep jatyr. Bekitilgen hattamaǵa sáıkes, Tuńǵysh Prezıdenttiń basqa tulǵalarmen baılanysy shekteldi. Elbasy qatysatyn josparlanǵan keıbir is-shara­lar beınekonferensbaılanys túrinde onlaın rejimde ótedi. Resmı habar taraǵan alǵash­qy mınýttan bastap Tuńǵysh Prezıdenttiń densaýlyǵyna alań­­daǵan jáne tezirek saýyǵyp ketýin tilegen azamattardan hat alyp jatyrmyz. Meniń telefonym habar­las­qandar men messendjerlerden kelgen habarlamaǵa tolyp qaldy. Jýrnalıster, dos­tar, týystar, áriptester habarlasyp, Elbasyna kúsh-qýat pen myqty densaýlyq tilep jatyr. Olardyń qatarynda jaqyn jáne alys shetel­den habarlasqandar bar. Tuń­ǵysh Prezıdentke Memleket bas­shysy Qasym-Jomart Toqaev ta qoldaý bildirdi, elimizdiń bar­lyq aımaǵynan Elbasy Keńse­sine jedelhattar kelip túsip jatyr. Nursultan Nazarbaev qazaq­standyqtar men barlyq alań­dap otyrǵan adamdarǵa alǵys bildi­re­di», dedi Aıdos Úkibaı.

 

Sońǵy jańalyqtar

Aq úıdiń alǵashqy meımany

Álem • Búgin, 12:15

ShQO-da mal urylary ustaldy

Aımaqtar • Búgin, 11:00

Uqsas jańalyqtar