Aımaqtar • 23 Maýsym, 2020

Almatyda indetpen kúresýge 13 medısınalyq uıym jumyldyryldy

Búgin Almaty qalasy Qoǵamdyq densaýlyq basqarmasynyń basshysy Kamaljan Nadyrov onlaın brıfıngte qaladaǵy epıdemıologııalyq jaǵdaı týraly jan-jaqty baıandaı kele, megapolıste koronavırýspen kúresý úshin barlyǵy 13 medısınalyq uıym jumyldyrylǵany atady, - dep jazady Egemen.kz

Aınash ESALY

Bular – 9 ınfeksııalyq stasıonar, jalpy tósek-oryn qýattylyǵy 1940 tósek-oryn (№1 Qalalyq klınıkalyq aýrýhana, Qalalyq klınıkalyq juqpaly aýrýlar aýrýhanasy, Balalar qalalyq klınıkalyq juqpaly aýrýlar aýrýhanasy, Ortalyq qalalyq klınıkalyq aýrýhana, QR DSM Ftızıopýlmonologııa ulttyq ǵylymı ortalyǵy, Modýldik gospıtal, 1 KBMO (Ftızıopýlmonologııa ortalyǵy, UQK gospıtali, Qorǵanys mınıstrliginiń gospıtali), №1 Qalalyq klınıkalyq aýrýhana jáne IIM gospıtali bazasyndaǵy 2 provızorlyq ortalyq, jalpy tósek-oryn qýaty 609 jáne 429 tósek-orynǵa eseptelgen eki karantındik uıym.

Tańǵy saǵat 08.00-degi jaǵdaı boıynsha juqpaly aýrýlar stasıonarlaryndaǵy bos tósek-oryndar sany – 136 tósek-oryn.

"Sol sııaqty ambýlatorııalyq deńgeıde aýqymdy jumys júrgizilýde. Munda biz vırtýaldy juqpaly aýrýlar aýrýhanasyn ashyp, rastalǵan jaǵdaılarda da, koronavırýstyń yqtımal jaǵdaılary bar pasıentterdiń densaýlyq jaǵdaıyna monıtorıng júrgizýdemiz.Tájirıbe kórsetkendeı, bul jerde eń qıyny, bul aǵymnyń sımptomsyz nemese jeńil túri bar halyqty úıde bolýǵa sendirý. Áıtkenmen de, stasıonarlarlyń tósek-oryndary tolyp qalǵandyǵyna baılanysty, barsha halyqqa eń aldymen úreıge boı aldyrmaýdy, bolmashy dene qyzýynyń bolýy emdeýge jatqyzý úshin aýrýdyń sebebi emes ekenin aıtqym keledi", dedi Kamaljan Nadyrov.

Qazirgi ýaqytta qalada ambýlatorııalyq deńgeıde monıtorıngte 2986 adam bar, onyń ishinde sımptomsyz túrimen 2365 adam aýyrýda, bul 79%-dy quraıdy, 621 adamnyń sımptomdary bar, bul 21%-dy quraıdy. Ambýlatorııalyq deńgeıde sımptomdary bar aýyrlyqtyń jeńil dárejesinde 555 adam – 89%, aýyrlyqtyń ortasha dárejesinde 66 adam nemese baqylaý júrgizilgen adamdardyń jalpy sanynyń 11%-yn qurady. Sozylmaly aýrýlary bar, táýekel tobyndaǵy 60 jastan asqan adamdarǵa erekshe kóńil bólinýde, qazirgi ýaqytta olardyń sany – 94 adam.

Almaty qalasy Qoǵamdyq densaýlyq basqarmasynyń basshysynyń aıtýynsha, árbir emhanada bekitilgen reglamentke sáıkes pasıentterdi monıtorıngileýmen aınalysatyn mobıldik brıgadalar qurylǵan. Búgingi kúni olardyń sany – 72. Mobıldik toptyń quramyna–bólimshe meńgerýshileri, ınfeksıonıst dárigerler, epıdemıologtar, ýchaskelik dárigerler men meıirbıkeler kiredi. Barlyǵy 287 MSAK qyzmetkeri jumyldyrylǵan. Jumys sapasyn arttyrý maqsatynda osy brıgadalardyń sanyn arttyrý boıynsha jumystar júrgizilýde.

ALMATY

Kúnniń mańyzdy jáne ózekti jańalyqtaryn «Egemen Qazaqstan» telegram kanalynan oqyńyz