Qoǵam • 25 Maýsym, 2020

Bıyl 1,2 mln adam jumyspen qamtylady - mınıstr

35 ret kórsetildi

Ártúrli memlekettik baǵdarlamalardy iske asyrý aıasynda 2020 jyly jumyspen qamtýǵa járdemdesý sharalaryna 1 mıllıon 220 myń qazaqstandyqty tartý josparlanýda. Bul týraly Prezıdent janyndaǵy Ortalyq kommýnıkasııalar qyzmetinde onlaın rejıminde ótken halyqqa esep berý kezdesýi barysynda Eńbek jáne halyqty áleýmettik qorǵaý mınıstri Birjan Nurymbetov aıtty, - dep habarlaıdy Egemen.kz.

Eńbekmıniniń basshysy aǵymdaǵy jylǵy birinshi toqsan qorytyndysy boıynsha ekonomıkada jumyspen qamtylǵandardyń sany 8,8 mln adamdy, jumyssyzdyq deńgeıi 4,8%-dy quraǵanyn atap ótti. 

Naýryz-sáýir aılarynda karantındik sharalardyń engizilýine baılanysty 4,2 mıllıon qazaqstandyq ýaqytsha jumystan bosatyldy.

"Karantındik sharalardy jeńildetý ústimizdegi jyldyń 20 sáýirinde bastaldy, bul kezeń-kezeńimen jumysqa oralýǵa múmkindik berdi. Úkimet jumyspen qamtýǵa kóńil bólip, ekonomıkany qalpyna keltirý boıynsha qabyldap otyrǵan sharalar aǵymdaǵy jyldyń shilde aıynan bastap eńbek naryǵyndaǵy jaǵdaıdy turaqtandyrady dep esepteımiz", - dedi Birjan Nurymbetov. 

Mınıstrdiń aıtýynsha, jyl sońynda kútiletin jumyssyzdyq deńgeıi 6,1% bolýy múmkin. 

Osy oraıda, ol osy jyly jumyspen qamtýǵa járdemdesý sharalaryna 1 mıllıon 220 myń adamdy tartý josparlanyp otyrǵanyn atap ótti.

"Azamattardyń kóbi Nátıjeli jumyspen qamtýdy jáne jappaı kásipkerlikti damytýdyń "Eńbek" memlekettik baǵdarlamasyn iske asyrý sheńberinde  – 600 myń adam, jumyspen qamtýdyń jol kartasy sheńberinde – 255 myń adam, basqa memlekettik baǵdarlamalar boıynsha (Nurly jol, Nurly jer, 2020-2025 jyldarǵa arnalǵan IIDMB jáne t.b.) – 364 myń adam jumyspen qamtylady", - dedi Birjan Nurymbetov.

Mınıstrdiń aıtýynsha, 1 maýsymdaǵy jaǵdaı boıynsha 224 myńnan astam adam "Eńbek" memlekettik baǵdarlamasyna qatysyp, olardyń 185 myńy jumysqa ornalastyryldy. Memlekettik qoldaý sharalary aıasynda bos jumys oryndaryna 99 myń adam; qoǵamdyq jumystarǵa – 62 myń; áleýmettik jumys oryndaryna – 13 myń; jastar praktıkasy boıynsha – 11 myń ornalastyryldy.

Jumyspen qamtýdyń jol kartasy aıasynda (budan ári – JQJK) 255 myń jumys ornyn qurýǵa múmkindik beretin 6505 ınfraqurylymdyq joba kózdelgen, onyń 15 myńy turaqty nysandarda. JQJK ınfraqurylymdyq jobalaryn iske asyrýdyń erekshe sharty – bul otandyq óndirýshilerdiń taýarlary men qyzmetteriniń kem degende 90%-yn paıdalanýdy qamtamasyz etý. Jumysshylardyń kem degende 50%-y Jumyspen qamtý ortalyqtary arqyly jumysqa qabyldanady. 

JQJK iske asyrý bolashaqta aralas salalarda 100 myńnan astam turaqty jumys oryndaryn qurýǵa negiz bolady.

Sońǵy jańalyqtar

Parıjge syımaǵan Pol

О́ner • Búgin, 21:16

Baıaǵy jartas – sol jartas...

Sport • Búgin, 21:15

Eshkimnen jeńilmegen sańlaqtar

Sport • Búgin, 21:11

Qarttar úıindegi vals

Qoǵam • Búgin, 21:05

«Barys» jańa oıynshymen tolyqty

Hokkeı • Búgin, 21:00

Aqtaýdaǵy «Dombyra-dastan» aksııasy

Aımaqtar • Búgin, 20:47

Dollar qaıta kóterildi

Qarjy • Búgin, 16:35

BQO-da Astana kúni atap ótiledi

Elorda • Búgin, 15:59

Uqsas jańalyqtar