Qoǵam • 25 Maýsym, 2020

"Astana – adaldyq alańy" Almaty aýdanyndaǵy úılerdi jóndeý sapasyn tekserdi

320 ret

kórsetildi

1 mın

oqý úshin

Nur-Sultan qalasy ákimdiginiń "Astana – adaldyq alańy" jobalyq keńsesi Sybaılas jemqorlyqqa qarsy is-qımyl agenttiginiń departamenti men Almaty aýdany ákimdigimen birlesip, Sátbaev kóshesi, 8 jáne Qajymuqan kóshesi, 14/1 meken-jaıy boıynsha Almaty aýdanyndaǵy "Nurly jer – 2025" turǵyn-úı kommýnaldyq damýynyń baǵdarlamasyn júzege asyrý maqsatynda kóp páterli turǵyn úılerge monıtorıng júrgizdi, - dep habarlaıdy elorda ákimdiginiń resmı saıty.

Marjan TILEÝBEK

"Astana – adaldyq alańy" Almaty aýdanyndaǵy úılerdi jóndeý sapasyn tekserdi

Nur-Sultan ákimdigi "Nurly jer – 2025" baǵdarlamasyn júzege asyrýǵa yqpal etedi. Búgingi tańda merdiger mekemeler anyqtalyp, osy jyldyń 20 mamyrynan bastap qurylys-montaj jumystary bastaldy. Monıtorıng barysynda turǵyndardyń talap-tilekteri tyńdaldy, aqaýlar anyqtalyp, merdiger kompanııaǵa olardy joıý týraly tapsyrmalar berildi. 2020 jyly Nur-Sultanda osy baǵdarlama boıynsha 50-den astam kóp páterli turǵyn úı jóndeý josparlanǵan.

"Josparlanǵan jóndeý jumystary kezinde qalanyń ár aýdanynda kóp páterli turǵyn úılerdiń monıtorıngi jasalady", – deıdi qala ákimdiginiń "Astana – adaldyq alańy" jobalyq keńsesiniń úılestirýshisi Sáýle Bısembaeva.