Aımaqtar • 26 Maýsym, 2020

Ákimdikter jol sapasyn teksertýge nege qulyqsyz?

56 ret kórsetildi

О́zekti másele "Mańǵystaý-adaldyq alańy" jobalyq keńsesiniń baspasóz alańynda ótken brıfıngte kóterildi. Jıyndy QR SJQIA óńirlik departamenti basshysynyń birinshi orynbasary Serik Qanybekov tikeleı efırde júrgizip otyrdy. Bul týraly "Jol aktıvteriniń ulttyq sapa ortalyǵy" RMK MOF baspasóz qyzmetine silteme jasaı otyryp Egemen.kz habarlaıdy.

Áleýmettik jeli qoldanýshylary qatysyp,  suraq jaýdyrǵan jıynǵa "Jol aktıvteriniń ulttyq sapa ortalyǵy" RMK Mańǵystaý fılıalynyń dırektory Eltaı Taıalıev qatysty.

Brıfıng spıkeri aldymen ózi basqaratyn fılıal, qala berdi jol sapasyn baqylaý ortalyǵy qyzmetkerleri atqaratyn jumystardyń retin baıandady. Atap aıtsaq, ortalyqtyń negizi qyzmeti - avtomobıl joldaryn salý, qaıta jańartý, jóndeý jáne kútip-ustaý kezinde jumystar men materıaldardyń sapasyn saraptaý. Sondaı-aq jol aktıvterin basqarý bolyp tabylady.

Jol sapasyn baqylaýshylar respýblıkalyq mańyzdaǵy trassalarǵa shyǵyp, baqylaý júrgizýi respýblıkalyq mekemeden qarjylandyrylady. Al jergilikti mańyzdaǵy joldardyń sapasyn tekserýge bıýdjetten qarjy qaralmaǵan. Máseleni sheshý úshin aımaqtardaǵy fılıaldar jergilikti atqarýshy organdarǵa, ıaǵnı ákimdikterge qyzmettik hatpen shyǵyp, óz qyzmetin usynýda.

"Shyn mánisinde qandaı da bir trassany salýǵa nemese jóndeýge tapsyrys berýshi oblys, qala ne aýdan ákimdigindegi avtomobıl joldary jáne jolaýshylar kóligi bólimi bolyp tabylady. Tender oınalyp, ony utyp alǵan merdiger joldy salýǵa nemese jóndeýge kirisedi. Al onyń qanshalyqty sapaly júrip jatqanyn, kemshilikterdiń bar-joǵyn tekserip, qorytyndy beretin memlekettik organ baryn áli kóp adam bile bermeıdi. Osy rette Mańǵystaý óńirindegi barlyq eldi meken ákimdikterin bizben áriptestik baılanys ornatyp, kelisimshartqa otyrýyn suraımyz", deıdi E.Taıalıev.

Tikeleı efır ýaqytynda oblystyq jolaýshylar kóligi jáne avtomobıl joldary basqarmasymen arada kelisimshart bar ekeni, búginde 8 obektisinde tekserý jumystary kestege sáıkes júrip jatqandyǵy aıtyldy. Olardyń qatarynda "О́mirzaq-Maek", "Maek-jyly jaǵajaı", "Jetibaı-Jańaózen" taǵy basqa baǵyttardaǵy trassalar bar. О́kinishke qaraı, Aqtaý nemese qalǵan bes aýdandaǵy ákimdiktermen aradaǵa ázirge baılanys joq.

Oblys ortalyǵyna eń jaqyn turǵan Munaıly aýdanyna naýryz aıynan beri úsh ret qyzmettik hat jazylǵan. Alaıda birde-birine jaýap kelgen joq. Tek maýsym aıynda ǵana qarsy tarap qozǵalyp, áriptestik kelisimge otyrýǵa ýaǵdalasqan. Bul, endigi kezekte atalǵan aýdan ákimdigi ózine qarasty aýmaqta salynyp jatqan jáne ortasha jóndeý jasalǵan barlyq trassaǵa jol sapasyn baqylaýshy mamandardy shaqyrtyp, jumys sapasyn tekserte alady degen sóz.

Budan bólek, Túpqaraǵan aýdanynda resmı tirkelgen úsh jeke kompanııa, ıaǵnı jol salýshy merdiger mekeme ortalyqqa aıaqtaı kelip, kelisimshartqa otyrýǵa daıyn ekendikterin málimdeýi qýantyp otyr. Bul rette olar salyp nemese qurylysyn aıaqtap bolǵan trassanyń sapasy týraly memlekettik qorytyndyny alǵa tartap, ákimdikke atqarylǵan jumystar týraly qujattardy eshqandaı kedergisiz tapsyra alatyndyǵy anyq.

"Endigi ýaqytta dál osyndaı belsendilikti Aqtaý men Jańaózen qalasy, Qaraqııa, Mańǵystaý, Beıneý jáne Túpqaraǵan aýdandary ákimdiginen kútemiz. О́z kezeginde, kemshiligi der kezinde kórsetilip, túzetilgen kólik jolynyń halyq ıgiligine uzaq jyldar qoldanysqa berilýine yqpal eterimizdi umytpaıyq, áriptester. Barlyǵymyz kózdegenimiz bir múdde, ol kópshilikke qyzmet etý", deıdi Eltaı Quspanuly.

Brıfıng sońynda S.Qanybekov spıkerge alǵysyn bildirip, "Mańǵystaý-adaldyq alańy" jobalyq keńsesi múshelerimen birlese belsendi áreket etýge shaqyrdy.

Sońǵy jańalyqtar

Izraıl «betperdesin sheshti»

Álem • Búgin, 16:32

Ilim adamǵa ne úshin qajet?

Rýhanııat • Búgin, 16:00

Palata otyrysynyń kún tártibi bekitildi

Parlament • Búgin, 15:48

«Ýkaznoı molda»: Ol kim?

Rýhanııat • Búgin, 15:25

Prezıdent Qaırat Kelimbetovti qabyldady

Prezıdent • Búgin, 14:43

Qaraǵandyda qylmystyq top quryqtaldy

Qoǵam • Búgin, 12:59

Dollar qaıta qymbattap jatyr

Ekonomıka • Búgin, 11:44

ShQO-daǵy Shar ózeninde balyq qyrylýda

Aımaqtar • Búgin, 10:49

Shymbulaq shyńynan 6 adam qutqaryldy

Qoǵam • Búgin, 10:32

Qurttyń ishinen esirtki tabyldy

Aımaqtar • Búgin, 09:43

«Astana» kósh bastady

Sport • Búgin, 09:40

Qyzylordada aýa sapasy nasharlaıdy

Aımaqtar • Búgin, 09:22

Shekarashy sarbazdar ant qabyldady

Qazaqstan • Búgin, 09:20

Jartylaı fınalda súrindi

Tennıs • Búgin, 07:56

Keńeıtilgen quram jarııalandy

Hokkeı • Búgin, 07:54

«Sary mysyq» festıvaldi ashady

Kıno • Búgin, 07:52

Kókpar – ulttyq minez

Rýhanııat • Búgin, 07:50

Tasqynǵa qarsy ázirlik oıdaǵydaı

Oqıǵa • Búgin, 07:40

Aq úıdiń alǵashqy meımany

Álem • Búgin, 07:38

Eski úılerdi esirkegen joba

Aımaqtar • Búgin, 07:33

Uqsas jańalyqtar