Atalǵan sharaǵa aýdan ákimi Serik Zaınýldın, kásipkerler men ardagerler qatysy. Bolashaq zaýyttyń qazyǵy qaǵyldy.
Biletinderdiń aıtýyna qaraǵanda, bul jerde buryn artezıan qudyǵy bolǵan kórinedi. Alaıda keıinirek qudyqtyń kózi jabylyp toqtap qalǵan.
"ARNNA MINERALS" jaýapkershiligi shekteýli seriktestigi osy jerdegi sý qoryn jáne onyń sapasyn anyqtap, qudyq ornyna sýdy óńdeýden ótkizip, ydystarǵa quıyp shyǵaratyn zaýyt salýdy uıǵarǵan. Aýdan ákimdiginiń kómegimen bul iske ınvestısııalyq qarjy tarta bilgen.
Aıta ketý kerek, atalǵan shara Zaısan aýdanynyń ákimi Serik Zaınýldınniń osy qyzmetke kiriskenine júz kún tolýymen tuspa tus kelip otyr. Buryn da birneshe aýdandy basqaryp, kásipkerlikti damytýymen kózge túsken tájirıbeli ákim kelgeli aýdanda osyndaı bıznestik jobalar qolǵa alyna bastaǵan.
