Aımaqtar • 28 Maýsym, 2020

Almatyda jyl basynan beri 167 baspasóz máslıhaty ótti

29 ret kórsetildi

Baqytjan Saǵyntaev jýrnalısterdi kásibı merekesimen quttyqtaı otyryp, qazirgi kezeńdegi jýrnalıster jumysynyń mańyzy men mánin erekshe atap ótti, dep jazady Egemen.kz

Qala ákimi quttyqtaý sózderin Twitter-degi óziniń resmı paraqshasynda jarııalady.

"Almatynyń jýrnalıster qaýymdastyǵyn kásibı merekelerimen quttyqtaımyn! Ýaqyt tezinen qalyspaı, halyqqa naqty ári saýatty aqparat taratyp, kásibı mindetti adal atqaryp kelesizder! Arman-tilekterińiz oryndalsyn, tabys pen sáttilik tileımin!", – dep jazdy B.Saǵyntaev.

Aıta keterligi, qala ákiminiń tapsyrmasy boıynsha qalanyń barlyq qyzmetteri jumystarynda ashyq ári jedel ún qatý qaǵıdatyn basshylyqqa alýda. Sondyqtan barlyq aýdandardyń ákimderi, basqarma basshylary áleýmettik jelilerge tirkelgen jáne turǵyndardyń túrli ótinimderine der kezinde jaýap berýde.

Almaty ákimdiginde alǵash ret baspasóz ortalyǵy quryldy. Munda aýdandyq ákimdikter, basqarmalar men qurylymdyq bólimshe basshylary túsindirý jumystaryn júrgizip, BAQ suraqtaryna jaýap beredi.

Jyl basynan beri 167 baspasóz máslıhaty ótkizilip, 366 spıker 1685 suraqqa jaýap berdi. Bul rette 131 baspasóz máslıhaty COVID-19-ǵa qarsy is-qımyl taqyrybyna arnaldy. 199 spıker KVI boıynsha 1339 suraqqa jaýap berdi.

Tótenshe jaǵdaı kezinde qala ákimdiginiń baspasóz qyzmeti WhatsApp messendjerinde arnaıy chat ashyp, koronavırýs ınfeksııasyna qarsy kúrestiń jaǵdaıy týraly jýrnalısterge jedel aqparat berip otyrdy.

Qazaqstanda tirkelgen 3,5 myńǵa jýyq BAQ-tyń myńnan astamy Almatyda jumys isteıdi. Sonyń ishinde 937 merzimdi basylym, 54 elektrondyq jáne 93 ınternet-BAQ bar.

Sońǵy jańalyqtar

Almaty qalpyna keltirilýde

Aımaqtar • Keshe

Dalanyń dara kúıshisi

О́ner • Keshe

Uqsas jańalyqtar