"Belgilengen 14 kúndik karantın boıynsha monıtorıng júrgizilip, qorytyndylar shyǵarylatyn bolady. Nátıje bermegen jaǵdaıda shekteý sharalary boıynsha qosymsha sheshimder qabyldanady. Búgin kún tártibinde turǵan negizgi másele - medısınalyq mekemelerdiń KVI-men aýyrǵandardy emdeýge arnalǵan jatyn oryn sanyn arttyrý. Memleket basshysynyń tapsyrmasyna oraı, shilde aıynyń sońyna deıin, ınfeksııalyq, provızorlyq oryn sany 50%-ǵa ósip, 28 myńnan 42 myńǵa deıin jetkiziletin bolady", dedi Premer-mınıstrdiń orynbasary.
Onyń aıtýynsha, tamyz aıyna deıin PSR-testtermen qamtý táýligine 30 myńnan 39 myńǵa jetkiziletin bolady.
"Barlyq medısına mekemelerine tehnıkalyq qajettilikter alyndy jáne alynyp jatyr. Bul baǵytta jumys toqtaǵan emes jáne toqtamaıdy da", dedi E. Toǵjanov.
