Osynaý qysyltaıań shaqta otandyq medısınalyq qural-jabdyqtar óndiretin Kazmedpribor Holding JShS atalǵan apparatty ózderinde óndiretin boldy.
Bul aqjoltaı jańalyqty Shymkent qalasynyń ákimi Murat Áıtenov áleýmettik jelidegi paraqshasynda jarııalady.
Sondaı-aq, qala basshysy Kazmedpribor Holding JShS dırektory Rahat Baızaqovpen pandemııamen kúres máselelerin talqylady.
Rahat Turǵanbekuly qala turǵyndaryna 150 dana tósek-oryn, ınfýzııa quıýǵa arnalǵan 400 dana shtatıv jáne 40 dana medısınalyq baǵana syılady.
О́ziniń alǵysyn bildirgen Shymkent qalasynyń ákimi jaqyn arada ákimdik qoldaýymen Kazmedpribor Holding JShS-i О́JJ apparatyn shyǵaratynyn jetkizdi.
"Biz bul jobamen úsh aı boıy jumys jasadyq. Endigi kezekte qajetti sertıfıkatty alsaq, apparatty shyǵara bastaımyz. Aldymen, qalany tolyǵymen qamtyp, sodan keıin elimizdiń ózge qalalaryna kómektesetin bolamyz. Búgingi basty jaǵymdy jańalyq osy", dedi Murat Áıtenov.
Qazirgi tańda qaladaǵy medısınalyq mekemelerde 323 О́JJ apparaty, onyń ishinde 130 portatıvti apparat bar. Sondaı-aq, 250 "Bobrov" tynys alý apparaty, 10 monıtormen qamtamasyz etilgen.
